EPESU 4:31 - Wunta Mempori

³¹ Luwuno mahaki aroa, bamburua, tekudaa, teposisalaa ka pomposebe asalakono imentadio inso i olomiu, kanatuu koa mbo'u luwuno wineweu mosa'o.

EPESU 4:31 ပူးပေါင်းရင်းမြစ်များ

Tegagia 27:41

I Esau monaa aroa ndi Yako hangano ronso anu iweeakono amano ndi Yako. Ipotae a ngkoroino onaeno, ”Oleo po'inomboako ira i ama, nami ta tehine mbo'u. Itempomo atuu i Yako, uaiku, aku mepateo.”

Tegagia 37:21

Rumongeo mongkona atuu i Rube mingki motolao i Yusupu inso a ngkaedo, ipotae, ”Si tompepateo!”

Tegagia 37:4

Mansado mengkitao pepaekompono nine amado laluaopo ipehohawao i Yusupu sekonopo luwuno pepaekompono, onaemo ka dome'o'aliaakono ka nahi dompepauakono moi-moiko.

Tegagia 4:8

Motae i Kai ndi Abeli, uaino, ”Aiwa ka tolako a mpada.” Tempono ondae kongko a mpada, borono i Kai sumapoio i Abeli, uaino, ka ipepateo.

2 Samueli 13:22

I Abisalo nahi pauakono i Aminoni mongkona hapamokoa, anu moiko ke anu mosa'o. Sine i Abisalo umo'aliakono i Aminoni, hangano i solangio i Tamari, uaino.

2 Samueli 19:27

Onae mompauomo anu nahi mentee mongkona atamiu andio ndi omiu ueku mokole. Sine omiu ueku mokole kana mala'eka-Do Ue Ala; Iweweuomo hapa anu ipemoikoo.

2 Samueli 19:43

Mesangki ira to Isaraeli a nto Yehuda, ”Omami anu lalu pabawa sekono omiu ndi ondae Mokole Daudi, hangano omami hopulu suku. Tembio ka impe'uru-uru kami? Komba omamike anu amba-ambano me'emao ka dopinokule mokole mami?” Sine pepaudo to Yehuda merokuopo sekono pepaudo to Isaraeli.

Po'unde-unde 101:5

Mia anu mewuni-wuni mompepaukiako walino, aku mepateo. Mia anu mompelangka-langkai ka labampau, komba ineheku.

Po'unde-unde 140:11

Po'ineeomo ka i'alu ira waro api! Po'ineeomo ka Dodontai ira a laro wingke ka si dompokompewangu mbo'u!

Po'unde-unde 15:3

anu nahi paleleakono elono pau anu nahi mentee, anu nahi poweweu mosa'o a wali-walino ka anu nahi poweweuakono tataano pehori rahano;

Po'unde-unde 37:8

Penaa-naamo tekuda ka bintaomo mokulano aroa atuu, si bamburu, atuu butu mowawa a mosa'oa.

Po'unde-unde 50:20

Omue mentoro ka mepaukiakono pepaekompomu, mosebeo anano inemu.

Po'unde-unde 64:3

Iwuni akumo inso a gerombolano mia mpoweweu mosa'o, inso a porisuido anu mpoweweu mosa'o.

Powadi 10:12

Po'o'aliaako mompokohina pengengea, sine pompehohawa tumutuwio luwuno polimpaia.

Powadi 10:18

Isema mowuni po'o'aliaako, pegaupi wiwino; isema mompau anu nahi mentee, onaemo mia monge-monge.

Powadi 14:17

Isema ronga tesingka, moweweu nahi mentee, sine mia anu pande mosongka, sabara.

Powadi 18:8

Pauno anu mompau nahi mentee kana kaanga mo'ahi, anu mewinso a laro kompo.

Powadi 19:12

Tekudano mokole kana pengaolino singa mongura, sine moikono kana tontoru a wawo ewo.

Powadi 25:23

Angi utara mowawa usa marombo, mepau mewuni-wuni mowawa rupa tekuda.

Powadi 26:20

Tewala keu pingko, mate api; tewala nahina anu mompau nahi mentee, menaa-naaomo pe'u'uaa.

Powadi 29:22

Anu mara ntekuda moweweu pe'u'uaa, ka mia anu liu tekuda, hadio polimpa'ino.

Powadi 29:9

Tewala mia pande mosongka mekara-kara saru mia benge-benge, mia benge-benge andio momemu ka mengingisi, onaemo ka nahina rodoa.

Powadi 6:19

asa mia sakosii megaupi anu mepuuriako pegaupi ka mompokohina pengengeado mpepaekompo.

Puu Pontutulu 7:9

Siimo ronga tekuda i laro aroa, hangano tekuda mo'ia mpiha a laro radano mia benge-benge.

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Yeremia 9:4

Laluopo sompo mia metangkoro a walino. Maupo isema pepaekompomu si pe'ala-alao, hangano sompo pepaekompo onaemo puu pompopo'oo, ka sompo wali-wali melempa ngkoraane ngkoramai mpompau anu nahi mentee.

WINEWEUDO TINENA 21:30

Ka ntewukaomo asa ngkota, ka palili mehawe mpenggowo, ka do'amba merakoo i Paulu ka merendeo meluarako inso Raha-Do Ue Ala ka i tempo koa mbo'u atuu luwuno pewowa langkaino Raha-Do Ue Ala tinondo.

ROMA 3:14

Ngangado bukeako pontotonaa,

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

1 KORINTI 5:8

Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

EPESU 4:25

Onaemo pu'uno imentadiomo pegaupi ka isinggemo mpepau mentee a mpe'asa miamiu, hangano pada kitamo parewa ngkoroi.

EPESU 4:26

Tewala gagi komiu ntekuda, si mpoweweu hala: si mentekuda hawe ka isumoo oleo

KOLOSE 3:19

Hei luwuno tama, impehohawao beinemiu ka si melambaha ndi onae.

KOLOSE 3:8

Sine kanandio-andio, imentadiomo luwuno andio, onaemo tekuda, bamburu, mosa'oa, momposebe ka pau mokoburu anu meluarako inso a wiwimiu.

1 TIMOTIU 3:11

Kanandio koa mbo'u luwuno beinedo ka domia koa mentinudu, ka si marapomposebe, asalakono mokompompedato ka pine'ala-ala a luwuakoano.

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 5:13

Tamoako mbo'u pewinso mpeluarako a rahado mia, mpepokoleleo mpeluweki ka komba butu mpeluwekimo koa, sine meme'ase mbo'u ka mensalo-saloo wineweuado mia susua ka mempau ira anu nahi tekona ipinau.

2 TIMOTIU 2:23

Polaiakono luwuno anu inungke-ungkeako, anu benge-benge ka nahi tekona. Uto'orio nine luwuno atuu mompokohina pengengea,

2 TIMOTIU 3:3

nahi domponto'ori mpompehohawa, nahi domebehe mpesintuwu, inehedo popau mosa'o ira mia, nahi sabara, marantekuda, nahi domebehe anu moiko,

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

TITU 2:3

Kanatuu koa mbo'u beine anu memota'u asalakono ka domentuwu gagi mia mpesomba, si dompomposebe, si domegagi atano anggoro, sine mempande mpompaguruako luwuno anu moiko

YAKOBU 1:19

Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda;

YAKOBU 3:14

Tewala mponaa-naa komiu aroa kohili ka me'o'aluakono koroimiu liomiu, si pompelangla-langkai ka si mpegaupi umewaio menteea!

YAKOBU 4:11

Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

1 PETURU 2:1

Onaemo pu'uno imentadiomo luwuno mosa'oa, luwuno pompopo'oo ka luwuno rupano po'onde-onde, kohilia ka pomposebe.

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.

1 YOHANE 3:15

Sompo mia anu mo'o'aliako pepaekompono, onaemo asa mia puu pompepate mia. Ka imento'orio, nine nahina te'asa mia puu pompepate anu kongko me'umbuo tuwua anu nahina tampulaano a ngkoroino.

MENGKAAA 12:10

Ka kurongeo suara anu meroku i suruga motae, ”Kanandio-andio haweomo tekaduduia ka pabawa ka poparentaa-Do Ue Alato, ka pabawa-Do anu inurapi-Do, hangano pinetadiakoomo i totono anu mosebe ira pepaekompoto, anu mosebe ira meene ka wongi i aro-Do Ue Alato.