EPESU 4:29 - Wunta Mempori

²⁹ Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

EPESU 4:29 ပူးပေါင်းရင်းမြစ်များ

Po'unde-unde 45:2

Aroaku luluaako luwuno pau tekosi, aku mohaweo powadiku ndi mokole; eloku kana penano asa mia puu mpoburi anu pande ntu'u.

Po'unde-unde 5:9

Ue, Itaate akumo a laro moleoa-Miu hangano iwaliku; Ipokomereteomo pesalaa-Miu i aroku.

Po'unde-unde 52:2

tempono i Do'egi, to Edomi, aiwa pauakono i Saulu nine i Daudi haweomo a rahano i Abimele.

Po'unde-unde 71:24

Eloku mbo'u ta popauo moleo-Miu hawe sumoo oleo. Mentee ntu'u ondae anu mpompewowolo masolaaku ira mpohawe mokoko'ii ka pontata.

Powadi 12:13

Mia mosa'o wineweuno kona ohoako halano wiwino, sine mia mentee mokompeluarako inso a masukaraa.

Powadi 15:23

Asa mia mo'unde hangano sangki anu ipoweeakono, ka tedoa moiko pau anu kona ntu'u a tempono!

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 16:21

Mia anu aroano pande mosongka pinau hinao ponto'orino, ka pepau anu mo'ahi ta lalu pine'ala-ala.

Puu Pontutulu 10:12

Pau inso a ngangano mia monto'ori buke pompehohawa, sine wiwino mia benge-benge tumeleo mia atuu.

Yesaya 50:4

Ondae Ue Ala Dopoweeakunemo elono asa mia ana guru, kai butu pau kupolio moweeakono roso mia anu telusa molema. Mo'oru me'eu mo'oru Dopokomontasoo porongeku ka kuporonge kana asa ana guru.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I LUKASI 4:22

Ka luwuno mia atuu mpementee Ira ka domengkohali-haliakono luwuno pau anu tekosi pinau-Do, ka do'amba mpotae, ”Kombake Ondae andio anano i Yusupu?”

I YOHANE 1:37

Ana guru orua ira atuu rumongeo hapa anu pinauno atuu, ka do'amba lumako tumonda Ira i Yesu.

ROMA 14:19

Onaemo pu'uno aiwamo tome'ungkeo hapa anu mowawa rodoa ka anu mentudu ka tomambepokoroso.

ROMA 15:2

Sompo mia i oloto asalakono mo'ungkeakono sanaano pe'asa miato a moikoano ka ipokomorosoo.

1 KORINTI 14:19

Sine a laro ntepotowoa bawaa lalukupo pauo olima mpali pau anu pinokonto'ori pompaguru mia susua mbo'u, sekonopo mapasowu-sowu mpali pau mepauako pau penaa.

EPESU 4:12

ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

EPESU 4:16

Insomo ndi Ondae asa ngkoroi, – anu tepotuda moiko ka inonggo gagi aasa hangano pompekakaakono luwuno parewa ngkoroi, menunu saru pinoko'anggano sompo-sompo parewa ngkoroi – montarima tuwuno ka wanguo koroino a laro pompehohawa.

KOLOSE 4:6

Po'ineeomo luwuno paumiu ka ibukeako koa mpiha pompehohawa, si motewe, ranta ka imento'orio, ba kana'umpe asalakono imesangki ira mia.

1 TESALONIKA 5:11

Onaemo pu'uno imemambe patudumo ka memambe pokoroso kana anu lano imeweweuomo.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:1

Kanandio koa mbo'u omiu, hei luwuno beine mpekombia, impetuundumo a ntamamiu, tewala hinao i olodo anu nahi petenunu a mpau-Do i Ue, maupo nahina pau ka domponangiako peleluno beinedo,

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.