Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.
Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?
Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.
Hangano kanandio mengkinaburu kitamo meronga saru Ondae hangano pebahoa a matea, ka ipengkena kana Dowinangu i Kerisituu inso i olodo mia mate hangano maramba-Do i Ama, kanandio koa mbo'u ontae kita mentuwu a laro ntuwua anu wo'ohu.
Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.
i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,
Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.
