EPESU 4:2 - Wunta Mempori

² Iwela koa mpekoko'unduako, memauru, ka sabara. Impopokitaomo pompehohawamiu a laro mongkona mambe tulungi.

EPESU 4:2 ပူးပေါင်းရင်းမြစ်များ

Po'unde-unde 138:6

Ondae i Ue atuu mantande, sine Dopensiroio mia anu pinokongkodei, mia anu mompelangka-langkai Doto'orio inso olai.

Po'unde-unde 45:4

Tanggoomo ponai a ntongamu, hei puu mpe'iwali, a laro marambamu ka mewantamu!

Powadi 16:19

Moikoopo me'urumako saru mia anu mauru sekonopo metia rinontu saru mia mompelangka-langkai.

Powadi 3:34

Tewala Ondae mo'aropi anu mompasinggiri, Ondae mbo'u mompasinggiri, sine mia anu me'urumako Dopehohawao.

Puu Pontutulu 7:8

Poko'ariano asa rupa moikoopo sekono pompu'uano. Tedoa sabara moikoopo sekono pompelangka-langkai.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

Podoaa 12:3

Kanatuumo i Musa asa mia anu tedoa mauru, laluaopo sekono sompo mia i wawontolino.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

I MARAKUSU 9:19

Onaemo Ondae i Yesu ka Dopotaeako ira, ”Hei omiu mia anu nahi mpompe'ala-ala, opiapo mbo'u tehineno Kupo'ia i olomiu? Opiapo mbo'u tehineno asalakono Kusabara ndi omiu? Wawaomo ramai nana'ote atuu!”

WINEWEUDO TINENA 20:19

A mpe'urumakoku kupo'anggaako Ira i Ue. A laro mpo'anggaa atuu hadio uwoi mataku nte'i'iti ka mararu kupompembasai po'ara-arahako inso a nto Yahudi anu ira mpepate aku.

ROMA 15:1

Ontae, anu moroso, asalakono ka tomentembio molemano mia anu nahi moroso ka si tompo'ungke sanaato ontaeto.

1 KORINTI 13:7

Ipeteao luwuakoano, me'ala-alao luwuakoano, mompe'osai luwuakoano, sabara tumembio luwuakoano.

GALATIA 6:2

Imemambetulungimo tumembio tinembimiu! Kanandiomo ime'ihiio songka-Do i Kerisituu.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

KOLOSE 1:11

ka mempinokorosoako luwuno roso hangano pabawano maramba-Do ka imoroso aroamiu ka mensabara mentembio luwuakoano,

1 TIMOTIU 6:11

Sine omue hei mia-Do Ue Ala, olaiakonomo luwuno atuu, ungkeomo moleoa, pesomba, petenunua, pompehohawa, pompedato ka mauru.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 PETURU 3:8

Ka pokotompaano, po'ineeomo ka impe'asa mpau luwu, mpe'asa aroa, mpehohawa ira pepaekompo, marapompehohawa ka mpe'urumako,