EPESU 4:18 - Wunta Mempori

¹⁸ ka ponto'orido anu wongi-wongi, olai inso a ntuwu tepo'asaa saru Ondae Ue Ala, hangano benge-bengea anu kongko i larodo ka hangano moteano aroado.

EPESU 4:18 ပူးပေါင်းရင်းမြစ်များ

Po'unde-unde 74:20

Ipengkitamo a mpedandia, hangano luwuno po'ianga wongi-wongi i wita andio gagiomo po'iangano pobobarasaia.

Yesaya 25:7

A wawo ntorukuno andio Ondae i Ue Ira berio sawu po'inombo anu sinoumbuako a luwuno suku tongku ka boru anu binorungiako luwuno tongku.

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Imama 11:16

manu-manu unta, koa, camari, ka mperupa-rupa singko sikapi;

I MATIU 13:15

Hangano aroano tongku andio momaluomo, ka birido nahi poronge lahi, ka matado metako tepusu; ka si domengkitaakono matado ka merongeakono birido ka mpokonto'oriakono aroado, ka do'amba mpepokule ranta ka Kupokotompa ira.

I MARAKUSU 3:5

Mompemasusa Ira hangano pe'ulu watudo ka saru tekuda mengkita Ira limbu-limbu ndi ondae ka Do'amba motaeakono mia atuu, ”Tasiakono kaemu!” Ka itasiakono, ka tompaomo kaeno atuu.

I YOHANE 12:40

”Dopokomorawuomo matado ka mokomoteao aroado, ka si dompokitaako matado, ka si domento'oriakono aroado, ka do'amba mpepokule, ranta ka Kupokotompa ira.”

WINEWEUDO TINENA 17:30

Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.

WINEWEUDO TINENA 3:17

Hei luwuno pepaekompo, kuto'orio nine mpoweweu komiumo kanandio hangano nahi imento'orio, mengkena kana luwuno petewawamiu.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 11:7

Gaagi kana'umpe? To Isaraeli nahi domehaweo hapa anu inungkedo, sine mia anu tebiniki mpohawe iramo. Ka mia anu mehano moteaomo aroado,

ROMA 2:19

ka memanasao, nine omuemo anu tumaate ira mia morawu ka mewinedo anu a laro wongi-wongiano,

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

1 KORINTI 2:8

Nahina anu pabawa i wawontolino andio tumo'orio, hangano bakanaano domento'orio, nahi domempaso Ira i Ue anu maramba a ngkeu pinotamba.

2 KORINTI 3:14

Sine tebonsoomo pinewowolodo, hangano hawe a oleo andio pebomboni atuu da kongko bomboni ira, tewala mpobasa ira dandi nse'elu atuu nahi sinungke, hangano butu Ondae i Kerisituu anu mokosungkeo.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

GALATIA 4:8

I ndi'upua, tempono nahi imento'ori Ira Ue Ala, impe'atao koroimiu a luwuno pinesombai anu menteeano komba Ondae Ue Ala.

EPESU 2:1

I ndi'upua memate komiumo hangano luwuno polimpaimiu songka ka luwuno halamiu.

EPESU 2:12

nine tempo atuu nahi imento'ori Ira i Kerisituu, nahi ntewinso to Isaraeli ka nahi mpohawe tia a luwuno pompakosi anu dinandi, nahina pomperorohia ka nahina Ue Ala i wawontolino.

KOLOSE 1:21

Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,

1 TESALONIKA 4:5

komba a mpo'eheno koroi, kana wineweudo mia anu nahi domento'ori Ira Ue Ala,

IBARANI 5:2

Onae asalakono ka ipokonto'ori ira koa mia anu memonge-monge ka mia anu tepopo'oo, hangano onae isa'a bukeako molema,

IBARANI 9:7

sine i larono kema anu ko'orua butu koa Sando Mpesomba Langkai anu mewinso pohona i larono asa nta'u, ka asalakono saru rea anu ipesombaakono hangano koroino onaeno ka hangano luwuno polimpaia, anu wineweudo bawaano nahi dompokonto'orio.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

1 YOHANE 2:11

Sine ba isema umo'aliaakono pepaekompono, onae kongko a laro wongi-wongia ka tuwu a laro wongi-wongia. Nahi to'orio ba isua ilako, hangano wongi-wongia atuu mokomorawuakono matano.