EPESU 4:12 - Wunta Mempori

¹² ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

EPESU 4:12 ပူးပေါင်းရင်းမြစ်များ

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

WINEWEUDO TINENA 1:17

Ndi'upua onae tewinso a doamami ka mo'ala tia a mpompekakaakoa andio.”

WINEWEUDO TINENA 1:25

ka itarimao potoro pompekakaakoa, onaemo potoro tinena anu binintano i Yudasi anu tedontaomo a mpo'ianga anu pototono.”

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.

ROMA 12:5

kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano.

ROMA 12:7

Tewala pompowee ka topompekakaako, moikoomo topompekakaako; tewala pompowee ka topompaguru, moikoomo topompaguru;

ROMA 14:19

Onaemo pu'uno aiwamo tome'ungkeo hapa anu mowawa rodoa ka anu mentudu ka tomambepokoroso.

ROMA 15:14

Pepaekompoku luwu-luwu, lano kupe'ala-alao ongkueku mongkona omiu, nine omiu mbo'u bukeakoomo moikoa ka luwuno ponto'ori ka imempolio mambe patudu.

ROMA 15:2

Sompo mia i oloto asalakono mo'ungkeakono sanaano pe'asa miato a moikoano ka ipokomorosoo.

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

1 KORINTI 12:27

Omiumo luwu koroi-Do i Kerisituu ka omiu singge mia parewa ngkoroi-Do.

1 KORINTI 12:7

Sine a sompo-sompo mia pinoweeako mengkaa-Do Penaa gagi moikoado luwu.

1 KORINTI 14:12

Kanandio koa mbo'u omiu: Omiu lano mpeteahako ka imehawe ira pompowee-Do Penaa, sine laluaopo sekono atuu ime'ungkeakono mempakeo mowangu bawaa.

1 KORINTI 14:14

Hangano tewala kupekakaiako pau penaa, ka penaakumo anu mekakai, sine pinewowolo molinoku nahi petonda mekakai.

1 KORINTI 14:26

Gaagi kana'umpe kanandio-andio, pepaekompo? Tewala mpepumpu komiu, po'ineeomo sompo-sompo mia hinao pinesombaakono: anu asa mia penani po'unde-unde, anu susua pompaguru, ke pinokomengkaa-Do Ue Ala, ke pompowee mepauako pau penaa, ke pompowee ka ipauo pengkonaano pau penaa, sine luwuno atuu asalakono ka ipinake mowangu.

2 KORINTI 12:19

Moro tehineomo imengkolaro-laro, nine kami mepokomentee i aromiu. I aro-Do Ue Ala ka a nee-Do i Kerisituu kipepau: luwuno andio, pepaekompo anu mempinehohawaku, ka igagi wanguno pompe'ala-alamiu.

2 KORINTI 13:11

Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!

2 KORINTI 13:9

Hangano mo'unde kami, tewala molema kami ka omiu memoroso. Ka onaemo andio anu pinekakaiakomami, onaemo ka ibobotoli pompe'ala-alamiu.

2 KORINTI 3:8

tedoaopo lalu langkai mbo'u marambaa anu kumongkomio pompekakaako-Do Penaa!

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

2 KORINTI 5:18

Ka luwuno andio inso ndi Ondae Ue Ala, anu mesala ndi Ondae i Kerisituu mpesintuwu kitamo saru Ondae ka anu meweengakonomo pekakaakoano pesintuwua atuu ndi omami.

2 KORINTI 6:3

Maupo a laro mongkona hapa nahi kimpompau pu'uno mia ka itetidu, ka si mansa tinata pompekakaakomami.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

EPESU 1:23

Bawaa anu onaemo koroi-Do, onaemo bobotolia-Do, anu buketio luwu ka luwuakoano.

EPESU 4:16

Insomo ndi Ondae asa ngkoroi, – anu tepotuda moiko ka inonggo gagi aasa hangano pompekakaakono luwuno parewa ngkoroi, menunu saru pinoko'anggano sompo-sompo parewa ngkoroi – montarima tuwuno ka wanguo koroino a laro pompehohawa.

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

EPESU 4:4

aasa koroi, ka aasa Penaa, ba kana'umpe imempinoboi a aasa pomperorohia anu tewinso a mpoboimiu,

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

KOLOSE 4:17

Ka impohaweakono i Arikipu: Pekokoongakono, pompekakaako anu tinarimamu ndi Ondae i Ue ka upolempao koa ntu'u tementee.

1 TIMOTIU 1:12

Montarimakasi aku ndi Ondae, anu mokomoroso aku, onaemo Ondae i Kerisituu Yesu, Ueto, hangano Dotudu aku metenunu ka me'ala-alaakune pompekakaakoa andio –

2 TIMOTIU 4:11

Butu i Lukasi anu mo'ia saru ongkue. Lakomo alao i Marakusu ka wawaomo ramai, hangano pompekakaakono kukereo.

2 TIMOTIU 4:5

Sine pabawaiomo koroimu a luwuakoano, sabaramo marasai, weweuomo anggaa mompelele Lele Mawongkoa ka anggaomo anggaa pompekakaakomu!

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.

IBARANI 6:1

Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,