EPESU 3:9 - Wunta Mempori

⁹ ka mokomengkaao hapa ihino anggaa weweua rahasia anu mapa'etu-etu nta'u tewuni ndi Ondae Ue Ala, anu mokogagio luwuakoano,

EPESU 3:9 ပူးပေါင်းရင်းမြစ်များ

Po'unde-unde 33:6

Hangano pau-Do i Ue langi pinokogagiomo, hangano penaano nganga-Do luwuno sorodaduno.

Yesaya 44:24

Kanandiomo pau-Do i Ue, Puu Pontolosimu, anu weweuko mompu'u inso a mpe'anakaa; ”Ongkuemo Ue, anu mokogagio luwuakoano, anu asa-asa-Ku wileo langi, anu tumalesakono tolino nahina montuluni.

I MATIU 10:27

Hapa anu pinau-Ku a laro wongi-wongi, imempauomo atuu a mewineano; ka hapa anu pinetanga-tangaako a birimiu, imempaleleomo atuu inso a wawo atono raha.

I MATIU 13:35

ka i'inihii koa pau anu pinaudo nabi, ”Aku mepau pauo potundaano, Aku pauo anu tewuni mompu'u ipinokogagi wawontolino.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

I YOHANE 10:30

Ongkue ka Ondae i Ama aasa koa.”

I YOHANE 5:17

Sine Dopotaeako ira, ”Ondae Ama-Ku mo'angga Ira hawe kanandio-andio, onaemo ka Kupo'angga mbo'u.”

I YOHANE 5:19

Ka Do'amba i Yesu sumangki ira, Dopotae, ”Kupauakomiu, menteeano, Ana nahi pokompo'angga maupo hapa inso a ngkoroi-Do Ondae-Do, tewala nahi Dokitao Do'anggao Ama-Do; hangano hapa anu inangga-Do Ama, onae koa mbo'u anu inangga-Do Ana.

WINEWEUDO TINENA 15:18

anu tino'oriomo inso a pompu'uano.

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

1 KORINTI 2:7

Sine anu pinalelemami onaemo ponto'ori-Do Ue Ala anu tewuni ka anu nahi teto'ori, anu napi pinokogagi wawontolino, Dopatindaomo Ue Ala pokomarambato.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

EPESU 3:2

– lano imerongeomo mongkona anggaa weweua a mpe'aroa-Do Ue Ala, anu kupine'ala-alaako hangano omiu,

EPESU 6:19

saru mbo'u ongkue, nde tewala ku'ungkahio ngangaku, ka kupinoweeako pau anu mentee, ka kumosia paleleo rahasiano Lele Mawongkoa,

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:26

onaemo rahasia anu tewuni mapa'etu-etu nta'u ka inso a inule hawe a inule, sine anu kanandio-andio pinokomengkaa a mia memempori-Do.

KOLOSE 3:3

Hangano memate komiumo ka tuwumiu tewuni meronga saru Ondae i Kerisituu ndi Ondae Ue Ala.

KOLOSE 4:3

Impekakaiakami koa mbo'u, ka Do'ungkahiakami Ue Ala pewowa a pompaleleamami, ranta ka kimempolio mpepau mongkona rahasia-Do i Kerisituu, anu hangano onae ka kutinorungku.

2 TESALONIKA 2:13

Sine omami asalakono wela pontarimakasi ndi Ondae Ue Ala hangano omiu, pepaekompo luwu-luwu, anu pinehohawa-Do i Ue, hangano inso a pompu'uano Dobiniki komiumo Ue ala ka imengkinadudui a Mpenaa anu mokomempori komiu ka a menteea anu pine'ala-alamiu.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

1 PETURU 1:20

Bininiki Iramo se'eluno ipinokogagi wawontolino, sine – hangano omiu – ka Do'amba mepokomengkaa a pokotompaano tempo.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”