EPESU 3:21 - Wunta Mempori

²¹ tia-Domo marambaa a laro bawaa ka ndi Ondae i Kerisituu Yesu a luwuno inule hawe nahina tampulaano. Ami.

EPESU 3:21 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

Po'unde-unde 115:1

Komba ndi omami, oo Ue, komba ndi omami, sine a nee-Miumo moikoano iwineeako marambaa, hangano pompehohawa-Miu, hangano petenunu-Miu!

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Yesaya 42:12

Moikoomo dompelangkai Ira i Ue, ka mempaleleo maramba-Do a luwuno togo.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

ROMA 11:36

Hangano luwuakoano inso ndi Ondae, ka hangano Ondae, ka ndi Ondae: Ndi Ondaemo marambaa hawe nahina tampulaano!

ROMA 16:27

ndi Ondae, butu Ondae Ue Ala anu buke ponto'ori mentee, hangano Ondae i Yesu Kerisituu: luwuno marambaa hawe nahina tampulaano! Ami.

GALATIA 1:5

Ndi Ondaemo marambaa nahina tampulaano! Ami.

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

EPESU 2:7

ka Dotisoakita a tempo anu ta hawe kaeano pompehohawa-Do anu hadio ntu'u menunu saru moiko-Do ndi ontae ndi Ondae i Kerisituu Yesu.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

PILIPI 4:20

Pinokomaramba Iramo Ue Ala ka Amato ranta nahina tampulaano! Ami.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 5:11

Ondaemo anu me'ueo pabawa ranta nahina tampulaano! Ami.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

YUDASI 1:25

Ondae Ue Ala anu asa-asa, Puu Pongkaduduito hangano Ondae i Yesu Kerisituu, Ueto, ndi Ondaemo marambaa, pompelangkai, roso ka pabawa se'eluno luwuno tempo ka kanandio-andio ka ranta nahina tampulaano. Ami.