EPESU 3:20 - Wunta Mempori

²⁰ Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,

EPESU 3:20 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 18:4

Po'ineeomo ka i'inala uwoi tedei, iwo'ohiomo karumiu ka impenaa-naa a ntoto ngkeu andio.

2 Samueli 7:19

Mongkona andio mbo'u da makura a pongkita-Miu, oo Ue Ala ranta mepau Komiu mbo'u mongkona somborino tetenaa-Miu a tempo anu da olai. Po'ineeomo andio gagi pontisodo mia, oo Ue Ala.

1 Mokole 3:13

Hapa mbo'u anu nahi u'emao Aku weeakomu, moiko pompolia maupo marambaa, ranta asa ntinuwumu nahi ta hina te'asa mia kana omue i olodo luwuno mokole.

2 Tawarika 25:9

Ka i'amba motae i Amasia a ntetenaa-Do Ue Ala atuu, ”Kana'umpemo asa etu talenta anu kuweeako iramo luwuno sorodadu Isaraeli?” Sumangki tetenaa-Do Ue Ala atuu, ”Ondae i Ue moweeakomiu laalo sekono atuu!”

2 Tawarika 9:12

Mokole Salomo moweeakono mokole beine i wita Seba luwuno anu ineheno ka inemano, lumaloio anu winawano tiano mokole. Ka i'amba melungka mekule i witano meronga luwuno pegawaino.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

Yeremia 32:27

”Menteeano, Ongkuemo Ue, Ueno luwuno anu tuwu. Hinaoke anu nahi Kupolio?

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

I MATIU 3:9

Ka si mpotae, nine komiu mpokompotae ilaro aroamiu: i Burahima ama mami! Hangano kupauakomiu: Ondae Ue Ala polio mokogagio anano i Burahima inso a watu andiodo!

I YOHANE 10:10

Anu monako hawe butu ta monako ka mompepate ka monsolangi; Ongkue hawe, ka dompohawe tuwua, ka domehaweo luwuno mare'ea.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

ROMA 4:21

ka ipe'ala-alao ntu'u, nine Ondae Ue Ala pabawa mokogagio hapa anu Dodandiomo.

1 KORINTI 2:9

Sine kana hinao teburi, ”Hapa anu nahi hori kumitao mata, ka nahi hori rumongeo biri, ka anu nahi hori me'umbaako i laro aroano mia: luwuno anu pinatinda-Do Ue Ala tiado anu mehohawa Ira.”

2 KORINTI 9:8

Ka Ondae Ue Ala polio mokohadioo ntu'u luwuno pompehohawa-Do ndi omiu, ka isompo koa mpiha kineremiu a luwuakoano ka tendeano komiu melalua a mperupa-rupa wineweu moiko.

EPESU 1:19

ka tedoa langkai pabawa-Do ndi ontae anu mpompe'ala-ala, menunu saru rosono pabawa-Do,

EPESU 3:7

Inso a Lele Mawongkoa atuu gagi akumo puu pompekakaakono montonda pompowee pe'aroa-Do Ue Ala, anu kuwineeako menunu saru po'anggano pabawa-Do.

KOLOSE 1:29

Onaemo anu kuteahakono ka kupelulukuakono tompaano roso menunu saru pabawa-Do, anu mo'angga moroso i laroku.

1 TIMOTIU 1:14

Tendeano pompehohawa-Do Ueto atuu wineeako akumo hadio ntu'u saru pompe'ala-ala ka pompehohawa ndi Ondae i Kerisituu Yesu.

IBARANI 11:19

Hangano ipewowoloo, nine Ondae Ue Ala pabawa wangu ira mia maupo inso i olodo mia mate. Ka inso i ra'ai kana waliomo itarimao.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

YAKOBU 4:12

Butu hiao aasa Anu moweweu songka ka Puu Mpobitara, onaemo Ondae anu pabawa mongkadudui ka mompepate. Sine isemake omue, ranta ka ubitarao pe'asa miamu?

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,