EPESU 3:16 - Wunta Mempori

¹⁶ Mekakai aku ka Dopokorosoakomiu Penaa-Do i laromiu, montonda kaeano maramba-Do,

EPESU 3:16 ပူးပေါင်းရင်းမြစ်များ

Ayubi 23:6

Nde Ira mekara-karaakune a laro tedoa pabawa-Do? Naahi, menteeano Ira mekakaakune.

Po'unde-unde 138:3

A oleo kupebooli, Isangki aku ka tumiangio roso a laro sumangaku.

Po'unde-unde 28:8

Ondaemo i Ue rosono bawaa-Do ka bente tekaduduiado mia anu inurapi-Do!

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Sakaria 10:12

Aku mokomoroso ira ndi Ondae i Ue, ka ira mentuwu a laro nee-Do,” kanandiomo pau-Do i Ue.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

ROMA 2:29

Sine to Yahudi ntu'u onaemo onae anu nahi tengkita to Yahudino ka petindi onaemo petindi i laro aroa, montonda pompe'ala-ala, komba montonda binuri. Ka unde-undeno komba hawe inso a mia, tendeano inso ndi Ondae Ue Ala.

ROMA 7:22

Hangano i laro aroaku ineheku songka-Do Ue Ala,

ROMA 9:23

tendeano ka ipinokomengkaa kaeano maramba-Do a luwuno parewa pompehohawa-Do anu Dopatindaomo tiano marambaa,

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 2:7

ka Dotisoakita a tempo anu ta hawe kaeano pompehohawa-Do anu hadio ntu'u menunu saru moiko-Do ndi ontae ndi Ondae i Kerisituu Yesu.

EPESU 3:15

anu inso ndi Ondae luwuno inule anu i laro nsuruga ka i wawontolino mentarimao needo.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

EPESU 6:10

Poko'ariano, imemorosomo ndi Ondae i Ue, a morosono pabawa-Do.

PILIPI 4:13

Luwuakoano kupokotembio ndi Ondae anu moweeakune roso.

PILIPI 4:19

Ondae Ue Alaku Ira mokosompoo luwuno kineremiu montonda kaeaa ka maramba-Do ndi Ondae i Kerisituu Yesu.

KOLOSE 1:11

ka mempinokorosoako luwuno roso hangano pabawano maramba-Do ka imoroso aroamiu ka mensabara mentembio luwuakoano,

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

IBARANI 11:34

mpepateo api anu mongkokongiri. Mentola iramo inso a mata mponai, mpohawe iramo roso a laro molemaa, gagi iramo memoroso a laro mpeteaa ka domensaari iramo bawaano sorodadu susua.

1 PETURU 3:4

sine ramba-rambamiu onaemo mia i laro aroa anu tewuniako ramba-ramba anu nahi bali anu tepu'u inso a mpenaa anu mauru ka sintuwu, anu masuli ntu'u olino a pongkita-Do Ue Ala.