EPESU 3:1 - Wunta Mempori

¹ Onaemo pu'uno ongkue andio, i Paulu, mia anu tinorungku hangano Ondae i Kerisituu Yesu tiamiu mia anu nahi mento'ori Ira Ue Ala

EPESU 3:1 ပူးပေါင်းရင်းမြစ်များ

I LUKASI 21:12

Sine se'eluno luwuno atuu komiu merinako ka mebinobarasai; komiu mempineweengako a hadio raha tepumpua ka torungku, ka komiu mempino'aro a hadio mokole ka anu mempabawa hangano nee-Ku.

WINEWEUDO TINENA 21:33

Petewawa sorodadu atuu umpedaakono i Paulu, irakoo ka metena ponguakono orua rante, ka i'amba mesikeno isemake onae ka hapamoke anu wineweuno.

WINEWEUDO TINENA 23:18

Sorodadu langkai potorono atuu wawao a mpetewawa sorodadu ka ipotae, ”I Paulu mia anu tinorungku atuu, moboi aku mo'ema, ka kuwawao mangalitau andio ndi omiu, hangano hinao anu ta pauakomiu.”

WINEWEUDO TINENA 26:29

Motae i Paulu, ”Aku mekakai ndi Ondae Ue Ala, ka ironga ke kotehi-tehineno komba butu omiu, sine luwuno mia mehano anu mehawe i ndi'ai ka anu merongeo pauku gagi mpengkena saru ongkue, sangkadio pongu andiodo.”

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

2 KORINTI 1:6

Tewala marasai kami, onaemo gagi pontarero ka tekaduduimiu; tewala tinarero kami, onaemo atuu pontareromiu, ranta ka impohawe roso ka imensabara marasaiako tebobarasaia anu mengkena kana anu pinembasaimami koa mbo'u.

2 KORINTI 10:1

Ongkue, i Paulu, asa mia anu nahi sapa tewala tepo'aroakomiu, sine mosia ndi omiu tewala tepo'olai, kupopoto'oriakomiu a nee-Do i Kerisituu anu mauru ka me'aroa.

2 KORINTI 11:23

Nde puu pompekakaako-Do i Kerisituu ondae atuuke? – mepau aku kana mia mekombe – lalua akupo mbo'u! Hadioopo pe'iseiku; mararuopo a laro torungku; sinepi komba da sa'uno; mararu ilawu mate.

GALATIA 5:11

Ka ongkue mbo'u andio, pepaekompo, tewala da kupaleleo petindi, tembioke ka kudabinobarasai mbo'u? Hangano tewala kanandio, keu pinotamba komba watu tetidua mbo'u.

GALATIA 5:2

Menteeano, ongkue, i Paulu, mepau ndi omiu: tewala mpetindi komiu, Ondae i Kerisituu nahi ta hina ntu'u tudu-Do ndi omiu.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

EPESU 3:11

menunu saru tinoo anu nahina tampulaano, anu Doweweuomo ndi Ondae i Kerisituu Yesu, Ueto.

EPESU 3:13

Onaemo pu'uno ku'emao ndi omiu, ka si motewe aroamiu mengkitao pompema'isoku hangano omiu, hangano pompema'isoku atuu onaemo marambamiu.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 6:20

anu inanggaku gagi tinena anu tinorungku. Impekakaimo ka kumosia koa mokomengkaao, kana anu tekona kupauo.

PILIPI 1:7

Lano tekonaanomo kupewowolo komiu luwu kanandio, hangano omiu kongko i laro aroaku, hangano mpohawe komiu luwu tia a mpe'aroa anu kuwineeako, moiko i tempono kutinorungku, maupo i tempono kukorahakono ka mokorosoo Lele Mawongkoa.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

KOLOSE 4:18

Tabea inso ndi ongkue, i Paulu. Tabea andio kuburiakono kaeku. Impewowoloo koa ponguku. Pe'aroa kumongkomi komiu.

KOLOSE 4:3

Impekakaiakami koa mbo'u, ka Do'ungkahiakami Ue Ala pewowa a pompaleleamami, ranta ka kimempolio mpepau mongkona rahasia-Do i Kerisituu, anu hangano onae ka kutinorungku.

2 TIMOTIU 1:16

Po'ineeomo Ondae i Ue ka Dopopokitao pe'aroa-Do a nsomborino i Onesiporu anu mararuomo ipokomawongkoo aroaku. Nahi mokoko'iino tepohaweakune a laro torungku.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

PILEMO 1:1

Inso ndi Paulu, asa mia hinuku hangano Ondae i Kerisituu Yesu ka inso ndi Timotiu pepaekompoto, hawe ndi Pilemo anu pinehohawa, pe'asa mpo'anggamami

PILEMO 1:23

Tabeano i Eparasi ndi omue, waliku me'asa torungku hangano Ondae i Kerisituu Yesu,

PILEMO 1:9

sine mewowoloo pompehohawamu atuu, moikoopo ku'emao inso ndi omue. Ongkue, i Paulu, anu mota'u akumo, metiangi mbo'u kanandio-andio tinorungku hangano Ondae i Kerisituu Yesu,

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.