EPESU 2:8 - Wunta Mempori

⁸ Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

EPESU 2:8 ပူးပေါင်းရင်းမြစ်များ

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MATIU 20:9

Ka mehawe iramo anu mpompu'u mpo'angga bara'ura langku olima ka ondae mpotarima singge mia asa dinare.

I MARAKUSU 16:16

Isema anu mompe'ala-ala ka ibinaho ta kinadudui, sine isema anu nahi pompe'ala-ala ta hinuku.

I LUKASI 7:50

Sine Dopotae i Yesu a beine atuu, ”Ikaduduikomo pompe'ala-alamu, lakomo temoiko!”

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

I YOHANE 6:65

Ka Do'amba motae, ”Onaemo pu'uno Kupauakomiumo: Nahina maupo te'asa mia moko'aiwa ndi Ongkue, tewala komba Ondae i Ama meweengakono ndi onae.”

WINEWEUDO TINENA 13:39

Ka ndi Ondaemo sompo mia anu mompe'ala-ala ipohawe tepotolaa inso a luwuno hala, anu nahi komiu mpohawe inso a songkano i Musa.

WINEWEUDO TINENA 14:27

Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala.

WINEWEUDO TINENA 15:11

Tendeano, tompe'ala-alao, nine hangano pompehohawa-Do Ue Yesu Kerisituu kita mpohawe tekaduduia mengkena koa mbo'u kana ondae.”

WINEWEUDO TINENA 16:14

Asa mia inso a luwuno beine atuu anu meneeako i Lidia metonda momperorongeako. Onae asa mia puu mpo'asa sawu wungo inso i kota Tiatira, anu mesomba ndi Ondae Ue Ala. Do'ungkahiakono i Ue aroano, onaemo ka ipekokoongakono hapa anu pinauno i Paulu.

WINEWEUDO TINENA 16:31

Sumangki ira, ”Pe'ala-ala Iramo Ue Yesu Kerisituu ka kotekadudui, omue ka luwuno pe'asa rahamu.”

ROMA 10:14

Sine kana'umpe ka dompokompebooli ndi Ondae, tewala nahi dompe'ala-ala Ira? Kana'umpe ka dompokompe'ala-ala Ira, tewala nahi domerongeo mongkona Ondae. Kana'umpe ira merongeo mongkona Ondae, tewala nahina anu palele Ira?

ROMA 10:17

Gaagi, pompe'ala-ala tepu'u inso a mporongea, ka anu rinonge pau-Do i Kerisituu.

ROMA 4:16

Onaemo pu'uno menteea me'empehiako pompe'ala-ala ka ikana pompehohawa, ranta ka ipo'ia dandi atuu hawe a luwu inuleno i Burahima, komba butu ndi ondae anu mentuwu inso a songka Taura, sine ndi ondae mbo'u anu mentuwu inso a pompe'ala-alano i Burahima. Hangano i Burahima onaemo amato luwu, –

ROMA 4:5

Sine tewala hinao mia anu nahi po'angga, sine ipe'ala-ala Ira anu mompokomentee mia buunto, pompe'ala-alano kinitaako gagi menteea.

ROMA 9:16

Gagi mongkona atuu komba montonda po'eheno mia, sine a pompehohawa-Do Ue Ala.

GALATIA 3:14

Doweweuomo i Kerisituu andio, ka ihawe a luwuno tongku susua ronsono i Burahima a ntepo'asaa saru Ondae, ranta hangano pompe'ala-ala mpontarima kita Penaa anu dinandiomo atuu.

GALATIA 3:22

Sine luwuakoano i'ukoomo Wunta Mempori a ntoto pabawano hala, ka hangano pompe'ala-ala ndi Ondae i Yesu Kerisituu dandi atuu mewineeako ira anu pompe'ala-ala.

EPESU 1:19

ka tedoa langkai pabawa-Do ndi ontae anu mpompe'ala-ala, menunu saru rosono pabawa-Do,

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 2:5

motuwu kitamo meronga saru Ondae i Kerisituu, maupo tomematemo hangano luwuno salato – hangano pompehohawa mengkinadudui komiu –

PILIPI 1:29

Hangano ndi omiu mewineeako komba butu ka impe'ala-ala Ira i Kerisituu, tendeano ka imemarasaiako Ira koa mbo'u,

KOLOSE 2:12

hangano mengkinaburu komiu saru Ondae a mpebahoa, ka ndi Ondae mpetonda komiu mbo'u mewinangu hangano pompe'ala-alamiu a mpo'anggano pabawa-Do Ue Ala, anu wangu Iramo inso a mpo'iangado mia mate.

2 TESALONIKA 1:9

Ondae andio ira mehinukuako matea anu nahina tampulaano, pinoko'olai inso i aro-Do i Ue ka inso a marambano roso-Do,

IBARANI 6:4

Hangano ondae anu horio pinokomewine aroado, anu horio mpenamio pompowee inso i suruga, ka anu horio mohawe tia a laro Penaa Mempori,

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.