EPESU 2:3 - Wunta Mempori

³ Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

EPESU 2:3 ပူးပေါင်းရင်းမြစ်များ

Tegagia 5:3

Mansano i Adama tuwu asa etu ka tolu pulu nta'u, onae mohawe asa ana ntama anu mengkena kana rupano ka koroino, anu ineeakono i Seti.

Tegagia 6:5

Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena.

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

Ayubi 14:4

Isemake polio mompokohina anu mempori inso anu mokoburu? Nahina maupo te'asa mia!

Ayubi 25:4

Kana'umpe mia ka imentee i aro-Do Ue Ala, ka kana'umpe mia anu pine'anaakono beine atuu morina?

Po'unde-unde 51:5

Hangano kupokonto'orio polimpa'iku, wela aku masusaakono halaku.

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

I MARAKUSU 4:19

ka i'amba sala-larono wawontolino andio ka pompopo'oono kaeaa ka hadio rupa anu minosisiriako mewinso humidio pau-Do i Ue atuu ranta nahi pewua.

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

WINEWEUDO TINENA 14:16

A tempo anu telaloomo Ondae Ue Ala mo'inee ira luwuno tongku mpotonda salado ondaedo,

ROMA 1:24

Onaemo pu'uno ka Dopeweengako ira Ue Ala a mokoburuano anu minosisiriakono aroado, ranta ka dosingge mengkokoburutio koroido.

ROMA 11:30

Hangano mengkena kana omiu i ndi'upua nahi mpetenunu ndi Ondae Ue Ala, sine kanandio-andio mpohawe pe'aroa hangano nahi dompetenunu,

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

ROMA 2:14

Tewala luwuno tongku susua anu nahi dompe'umbuo songka Taura po'ehedo ondaedo meweweuo hapa anu po'eheno songka Taura, ka, maupo nahi dompe'umbuo songka Taura, ondae megagi songka Taura a ngkoroido ondaedo.

ROMA 5:10

Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

ROMA 5:9

Tamoako, hangano ontae kanandio-andio mempinokomentee kitamo hangano rea-Do, manasa kita mengkinadudui inso a ntekuda-Do Ue Ala.

ROMA 6:12

Onaemo pu'uno siimo ipabawa mbo'u hala a ngkoroimiu anu ta mate, ka si mentondao mbo'u po'eheno.

ROMA 7:18

Hangano kuto'orio, nine i laroku, onaemo i laroku kana mia, nahina maupo hapa anu moiko. Hangano po'eheno aroa lano hinao i laroku, sine komba mongkona moweweu hapa anu moiko.

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 3:22

Sine luwuakoano i'ukoomo Wunta Mempori a ntoto pabawano hala, ka hangano pompe'ala-ala ndi Ondae i Yesu Kerisituu dandi atuu mewineeako ira anu pompe'ala-ala.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

KOLOSE 1:21

Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,

1 TESALONIKA 4:13

Ka i'amba nahi kimebehe, pepaekompo luwu-luwu, nine nahi imento'orio mongkona ondae anu memate, ka si mpompemasusa kana mia mehano anu nahina pomperorohido.

1 TESALONIKA 5:6

Onaemo pu'uno moikoopo si tompoturi kana mia mehano, sine tompetangkoro ka molike.

1 TIMOTIU 6:9

Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

1 YOHANE 2:16

Hangano luwuno anu kongko i wawontolino, onaemo minosisiriakono koroi ka minosisiriakono mata saru tuwu mompelangka-langkai, komba mepu'u inso ndi Ondae i Ama, tendeano inso i wawontolino.

1 YOHANE 2:8

Sine parenta wo'ohu mbo'u anu kuburiakomiu, mengkaomo mentee i laro-Do ka i laromiu; hangano wongi-wongia kontongaano moliu ka mewine anu mentee mewantaomo.