EPESU 2:2 - Wunta Mempori

² Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 2:2 ပူးပေါင်းရင်းမြစ်များ

Ayubi 1:16

Kontongaano mepau mia atuu, hawe mia susua ka ipotae, ”Mesilawiomo api inso i langi ka pingko itunuo bawaano bembe bimba ka luwuno puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 1:19

Borono mepuuri opue inso i asambalino pada one ka i aluo raha atuu a opaa siuno. Raha atuu tebangku dumunsi ira mia mongura atuudo, ranta ka domemate. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 1:7

Mesikeno Ira i Ue ndi Mosa'o, ”Inso isuake omue?” Sumangki i Mosa'o ndi Ondae i Ue, ”Inso a mpelempaa sumompoo tolino.”

Ayubi 31:7

Tewala pelempaku pansia inso a mpesalaaku, ka aroaku tumondao pongkitano mataku, saru mokoburu anu metako a ngkaeku,

Po'unde-unde 17:14

Ipingko iramo, oo Ue, saru kae-Miu, Ipingko iramo inso i tolino, ka si dompohawe tia i olodo mia anu mentuwu, kompodo po'ineeomo ka ibukeako hapa anu ninaa-Miu, ranta luwuno anado gagi menteende, ka toreano domebintao tiado luwuno nana'ote kodeido.

Yesaya 30:1

Masola ntu'u nana'ote anu umewa, kanandiomo pau-Do i Ue, anu weweuo tinoo anu komba inso ndi Ongkue, anu mewinsokio tepo'asaa, anu komba hangano Penaa-Ku, ranta ka dompohowu hala metiangi hala.

Yesaya 57:4

Isemake anu pinengingisiimiu, te'aro ndi semake impenganga malua ka mpo'elo-elo? Kombake omiu andio anado mia anu me'ewa, inuleno puu mpegaupi,

Yeremia 23:10

Wita bukeako anu mponsosabo; mentee ntu'u, hangano pontotonaa londaomo wita ka memoleu iramo pada ewo i pada one; anu inungkedo onaemo poweweu anu mosa'o, ka rosodo komba moleoa.

Hosea 10:9

Mompu'u luwuno oleo Gibea tehalakomo, hei Isaraeli; i ra'ai kongkodo mpe'ewa. Kombake metea mo'ewai mia molengku ta humawe ira mbo'u i Gibea?

Imama 11:16

manu-manu unta, koa, camari, ka mperupa-rupa singko sikapi;

I MATIU 11:19

Ka i'amba i Ana Manusia hawe, Ondae mongkaa ka mo'inu, ka dompotae: Kitaomo, Ondae asa mia modoko mongkaa ka mara mpo'inu, sambe'edo puu popumpu sima'ulu ka mia ntehala. Sine ponto'ori mentee inso ndi Ondae Ue Ala pinokomentee hangano wineweuno.”

I MATIU 13:22

Anu rinawo a laro ewo rui onaemo mia anu rumongeo pau atuu, ka i'amba sala-larono wawontolino andio ka pompopo'oono kaeaa humidio pau atuu ranta nahi pewua.

I MATIU 13:38

lere onaemo wawontolino. Inii anu moiko atuu ondaemo anano Poparentaa-Do Ue Ala ka lee ondaemo anano i mosa'o.

I MARAKUSU 4:19

ka i'amba sala-larono wawontolino andio ka pompopo'oono kaeaa ka hadio rupa anu minosisiriako mewinso humidio pau-Do i Ue atuu ranta nahi pewua.

I LUKASI 16:8

Ka i'amba ueno atuu umunde-undeo puu pompekaria anu molengku atuu, hangano moweweuomo akalano. Hangano anano wawontolino andio mempande irapo mpe'akala a mpe'asa miado sekonopo luwuno anano mewine.

I LUKASI 22:31

Simo, Simo, kitao, i Mosa'o mo'emaomo ta dumuku komiu kana gandu,

I YOHANE 12:31

Kanandio-andio kontongaano binitara wawontolino andio: kanandio-andio anu pabawa i wawontolino andio ira mentinende i bungkuno;

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.

I YOHANE 13:27

Ka umarino tumarimao i Yudasi roti atuu, ipewinsokio i Mosa'o. Onaemo ka Dopotaeakono i Yesu, ”Hapa anu komingki weweuo, pontuturakomo weweuo.”

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

I YOHANE 15:19

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.

I YOHANE 16:11

mongkona pobitaraa, hangano anu pabawa i wawontolino andio hinukuomo.

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

I YOHANE 8:23

Ka Do'amba motaeako ira, ”Omiu inso i totono, Ongkue inso i wawono; omiu inso i wawontolino andio, Ongkue komba inso i wawontolino andio.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

WINEWEUDO TINENA 19:35

Sine puu mpoburi a ngkota mokorodo ira mia hadio atuu ka ipotae, ”Hei to Epesu! Isemake i wawontolino andio anu nahi to'orio, nine kota Epesumo anu mekariao moiko raha memporino pe'uea beine Aritemi, anu tedoa langkai, sekono tinaha anu metii inso i langi?

WINEWEUDO TINENA 5:3

Sine motae i Peturu, ”Anania, tembio aroamu ka ipabawaio i Mosa'o, ranta ka ugaupi Ira Penaa Mempori ka numaao asa ntia inso a olino wita inasa atuu?

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

1 KORINTI 5:10

Anu tinooku komba saru luwuno mia mebelesu i wawontolino andio ke saru luwuno mia memodoko ka mpopopo'oo ke saru luwuno mia mpopesombai lahumoa, hangano tewala kanandio asalakono imebintao wawontolino andio.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

EPESU 1:21

olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.

EPESU 2:11

Onaemo pu'uno impewowoloomo, nine i ndi'upua omiu – anu komba to Yahudi montonda koroi, ondae anu meneeakono koroido ”tindi” meneeakomiu mia nahi mpetindi, onaemo petindi ngkoroi anu inanggano kaeno mia, –

EPESU 2:13

Sine kanandio-andio omiu a ntepo'asaa saru Ondae i Kerisituu Yesu, anu i ndi'upua ”me'olai”, gagiomo ”umpeda” hangano rea-Do i Kerisituu.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

EPESU 4:17

Onaemo pu'uno ka kupauo ka kupokomanasaakomiu andio ndi Ondae i Ue: Si mentuwu mbo'u mengkena kana mia anu nahi domento'ori Ira Ue Ala saru pinewowolodo anu nahina tuduno

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

EPESU 5:8

Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

KOLOSE 1:21

Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,

2 TIMOTIU 4:10

hangano ikekewoiomo i Demasi wawontolino andio ka ibinta aku. Onae melungkaomo lumako i Tesalonika. I Kerekesi lumakoomo i Galatia ka i Titu lumako i Dalamatia.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 1:7

Mia anu kanandio si kolaro-laro, nine onae ta montarima hapa inso ndi Ondae i Ue.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

1 PETURU 4:3

Hangano hadioomo ntu'u tempo pinakemiu meweweuo po'ehedo mia anu nahi domento'ori Ira Ue Ala. Mentuwu komiumo a mperupa-rupa po'eheno koroi, mosisiria, molangua, mpogawe langkai, pelimbua mpo'inu ka pompesombaia lahumoa anu inonto.

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

1 YOHANE 4:4

Luwumiu anaku nte'inso ndi Ondae Ue Ala, ka imenangi iramo nabi mpegaupi atuudo; hangano Penaa anu kongko i laromiu, langkai Irapo sekono penaa anu kongko i wawontolino.

1 YOHANE 5:19

Tomento'orio, nine mente'inso kita ndi Ondae Ue Ala ka asa wawontolino kongko i totono pabawano i Mosa'o.

1 YOHANE 5:4

hangano luwuno anu pine'anaako inso ndi Ondae Ue Ala, numangio wawontolino. Ka ndiomo ponangia anu numangio wawontolino: pompe'ala-alato.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 16:17

Ka mala'eka anu ko'opitu umuwuo tondeno i laro meene. Ka inso a laro Raha Mempori terongeomo suara anu meroku inso a ngkadera poparentaa atuu, ipotae, ”Umariomo wineweu.”

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,