EPESU 2:13 - Wunta Mempori

¹³ Sine kanandio-andio omiu a ntepo'asaa saru Ondae i Kerisituu Yesu, anu i ndi'upua ”me'olai”, gagiomo ”umpeda” hangano rea-Do i Kerisituu.

EPESU 2:13 ပူးပေါင်းရင်းမြစ်များ

Po'unde-unde 22:7

Sine ongkue andio ule-ule ka komba mia, tataado mia, dompokongkodeio mia hadio.

Po'unde-unde 73:27

Hangano menteeano, isema anu olai inso ndi Omiu ta mate; Ipepate ira luwu mia, anu nahi petenunu mbo'u ndi Omiu.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 49:12

Kitao, hinao mia hawe inso a olaiano, hinao anu inso i utara ka inso i sumooano oleo, ka hinao anu inso i wita Sinimi.”

Yesaya 57:19

A wiwido mbo'u miano anu mpo'inombo Aku mokogagio po'unde-unde. ’Rodoa, rodoa manangai tiado anu me'olai ka tiado anu me'umpeda,’ pau-Do i Ue ’Aku mokotompao!’

Yesaya 60:4

Pengkitamo raane ka kitaomo limbu-limbu, luwudo me'aiwa ntepumpu ndi omue; luwuno ana ntamamu me'aiwa ira inso a olaiano, ka luwuno anamu beine mebinaba.

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

Yesaya 66:19

Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

I YOHANE 10:16

Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

WINEWEUDO TINENA 15:14

I tutuluomo i Simo, nine inso a pompu'uano Dopopokitao Ue Ala pompehohawa-Do a luwuno tongku susua, onaemo Dobinikio aasa bawaa inso i olodo pelangkaino nee-Do.

WINEWEUDO TINENA 2:39

Hangano tiamiumo dandi atuu ka tiado anamiu ka tiado mia anu da olai, onaemo montonda hadiono anu Ira moboio Ue Alato.”

WINEWEUDO TINENA 22:21

Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 12:13

Hangano a laro aasa Penaa luwuto, moiko to Yahudi, maupo to Yunani, moiko ata, maupo mia maradeka, mebinaho kitamo luwu gagi asa ngkoroi ka luwuto mempinopo'inu inso a aasa Penaa.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

EPESU 1:1

Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 2:12

nine tempo atuu nahi imento'ori Ira i Kerisituu, nahi ntewinso to Isaraeli ka nahi mpohawe tia a luwuno pompakosi anu dinandi, nahina pomperorohia ka nahina Ue Ala i wawontolino.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 2:6

ka ndi Ondae i Kerisituu Yesu Dowangu kitamo mbo'u ka mowee kita po'ianga meronga saru Ondae i suruga,

IBARANI 9:18

Onaemo pu'uno, pedandia anu amba-ambano nahi pinokomoroso hangano nahina rea.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.