EPESU 2:10 - Wunta Mempori

¹⁰ Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 2:10 ပူးပေါင်းရင်းမြစ်များ

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 119:3

Ondae nahi dompoweweu anu mosa'o, sine tuwu mentondao luwuno pesalaa-Do.

Po'unde-unde 138:8

Ondae i Ue Ira moko'umariakune luwuakoano! Oo Ue, pompehohawa-Miu nahi bali ranta nahina tampulaano; si bintao wineweuno kae-Miu!

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Po'unde-unde 81:13

Onaemo pu'uno, Kupo'ineeo a laro moteano aroano; po'ineeomo domentondao po'eheno aroado ondaedo!

Yesaya 19:25

anu rinonso-Do Ueno luwuakoano saru pau, ”Rinonsoomo Masiri, bawaa-Ku ka Asuri wineweuno kae-Ku, saru Isaraeli, tia pusaka-Ku.”

Yesaya 29:23

Hangano, i tempono domengkitao inuleno, hapa anu wineweuno kae-Ku i tongado, ira mpokomemporio nee-Ku; ira mpokomemporio Anu Tedoa Memporino i Yako, ka dontededengkeako Ira Ue Alado to Isaraeli;

Yesaya 43:21

bawaa anu Kuweweuo tia-Ku ira mempaleleo telele-Ku.”

Yesaya 43:7

luwuno mia anu pinau mompake nee-Ku anu Kupokogagio tiano maramba-Ku, anu Kuweweuo ka Kupokogagio mbo'u!”

Yesaya 44:21

Pewowoloomo luwuno andio, hei Yako, hangano omuemo tetenaa-Ku, hei Isaraeli. Kuweweukomo, omuemo tetenaa-Ku; hei Isaraeli, omue nahi Aku kumolupeko.

Yesaya 60:21

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I YOHANE 3:21

Sine ba isema moweweu anu mentee, onae aiwa a mewine, ka imengkaa, nine luwuno wineweuno iweweuo ndi Ondae Ue Ala.”

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.

WINEWEUDO TINENA 9:36

I kota Yope hinao asa ana guru beine meneeako i Tabita – a mpau Yunani i Dorokasi. Beine atuu hadio ntu'u wineweuno anu moiko ka mompowee pontulungi.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

1 KORINTI 3:9

Hangano omami onaemo pe'asa mpo'angga-Do Ue Ala; omiu onaemo lere-Do Ue Ala, winangu-Do Ue Ala.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 5:5

Sine tendeano Ondae Ue Ala anu patinda kita mongkona anu kanatuu ka anu moweeakita Penaa, gagi pe'inia a luwuakoano anu Dopatindaakitamo.

2 KORINTI 9:8

Ka Ondae Ue Ala polio mokohadioo ntu'u luwuno pompehohawa-Do ndi omiu, ka isompo koa mpiha kineremiu a luwuakoano ka tendeano komiu melalua a mperupa-rupa wineweu moiko.

GALATIA 6:15

Hangano metindi ke nahi petindi nahina pengkonaano, sine anu pinokogagi wo'ohu, onaemo anu hinao pengkonaano.

EPESU 1:1

Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

EPESU 2:13

Sine kanandio-andio omiu a ntepo'asaa saru Ondae i Kerisituu Yesu, anu i ndi'upua ”me'olai”, gagiomo ”umpeda” hangano rea-Do i Kerisituu.

EPESU 2:15

hangano mate-Do kana mia Do'oniniomo songka Taura saru luwuno petena ka pompakosino, ka iwineweu oruano gagi asa mia wo'ohu a ngkoroi-Do, ka hangano atuu mompokohina rodoa,

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 2:6

ka ndi Ondae i Kerisituu Yesu Dowangu kitamo mbo'u ka mowee kita po'ianga meronga saru Ondae i suruga,

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 4:24

ka impokonao mia wo'ohu, anu pinokogagiomo montonda po'ehe-Do Ue Ala a menteea ka memporia anu menteeano.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

PILIPI 1:6

Mongkona andio kupe'ala-alao ntu'u, onaemo Ondae, anu pu'uo anggaa anu moiko i olomiu, Ira motilaloakono hawe a pokotompaano a oleo-Do i Kerisituu Yesu.

PILIPI 2:13

hangano Ondaemo Ue Ala anu umanggao i laromiu moiko po'ehe maupo anggaa montonda po'ehe-Do.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

2 TESALONIKA 2:17

po'ineeomo ka itareroo ka mokorosoo aroamiu a anggaa ka pau anu moiko.

1 TIMOTIU 2:10

sine ka ipesangkaakono wineweu moiko, kana tekonano a beine anu mesomba.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

1 TIMOTIU 5:25

Kanandio koa mbo'u wineweu moiko atuu ronga mengkaa ka tewala komba kanandio, nahi ta mokompo'ia mpiha tewuni.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

2 TIMOTIU 2:21

Tewala asa mia mokomemporio koroino inso a luwuno anu mosa'o, onae ta gagi parewano raha a ntinoo anu maramba, onae pinokomempori, ipetekonao ueno pakeo ka pinatinda tiano sompo anggaa anu maramba.

2 TIMOTIU 3:17

Hangano kanandio sompo-sompo mia-Do Ue Ala pinatinda tiano sompo poweweu moiko.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

TITU 3:1

Popoto'oriako iramo ka dompe'urumako a mia mpeparenta ka a mia anu mempabawa, mpomperorongeako ka mpepatinda meweweuo sompo anggaa anu moiko.

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 10:24

Ka aiwamo ka tomemambekita ka memambepokowali a pompehohawa ka a anggaa moiko.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 2:6

Ba isema motae, nine onae kongko i laro-Do, onae asalakono tuwu mengkena kana Ondae i Kerisituu tuwu Iramo.