EPESU 1:3 - Wunta Mempori

³ Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

EPESU 1:3 ပူးပေါင်းရင်းမြစ်များ

Tegagia 14:20

ka inunde-unde Iramo Ue Ala Anu Tedoa Mantande, anu meweengako iramo iwalimu a ngkaemu.” I Burama moweeakono asa ntia hopulu inso a luwuno.

Tegagia 22:18

Molalo inulemu luwuno tongku i tolino ira mpohawe ronso, hangano omue momperorongeako pau-Ku.”

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

1 Tawarika 4:10

I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

2 Tawarika 31:8

I Hisikia ka luwuno petewawa aiwa kumitao luwuno hinowu atuu, ka do'amba umunde-unde Ira i Ue ka melangkai ira to Isaraeli, bawaa-Do i Ue.

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Po'unde-unde 134:3

Po'ineeomo Ondae i Ue anu mokogagio langi ka tolino, rumonsoko inso i Sioni.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Yesaya 61:9

Inulemiu ta teto'ori i olono luwuno tongku, ka ana'uemiu i tonga-tongado suku tongku, ranta luwuno mia anu kumita ira, ira me'akuio nine ondae inuledo anu rinonso-Do i Ue.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

I LUKASI 2:28

itotowo Ira Nana'ote atuu ka isene Ira saru umunde-unde Ira Ue Ala, ipotae,

I YOHANE 14:20

I tempomo atuu komiu mento'orio, nine Ongkue i laro-Do Ama-Ku ka omiu i laro-Ku ka Ongkue i laromiu.

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

ROMA 12:5

kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano.

ROMA 15:6

ranta ka impe'asa aroa ka mpe'asa mpau umunde-unde Ira Ue Ala ka Ama-Do Ueto, i Yesu Kerisituu.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 12:12

Hangano mengkena kana koroi atuu aasa ka parewano hadio, ka luwuno parewa atuu, maupo hadio, me'asa ngkoroi koa, kanandio koa mbo'u Ondae i Kerisituu.

2 KORINTI 1:3

Inunde-unde Iramo Ue Ala, Ama-Do Ueto i Yesu Kerisituu, Ama anu buke pompehohawa ka Ondae Ue Ala pu'uno luwuno pontarero,

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 3:9

Gaagi ondae anu mentuwu inso a pompe'ala-ala, ondaemo anu merinonso meronga saru i Burahima anu mompe'ala-ala atuu.

EPESU 1:10

gagi pepatinda haweno tempo ka ipino'asa ndi Ondae i Kerisituu gagi Tadulakono luwuakoano, moiko anu i suruga maupo anu i tolino.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 1:20

anu inangga-Do ndi Ondae i Kerisituu saru wangu Ira inso i olodo mia mate ka montoro Ira i koana-Do i suruga,

EPESU 2:6

ka ndi Ondae i Kerisituu Yesu Dowangu kitamo mbo'u ka mowee kita po'ianga meronga saru Ondae i suruga,

EPESU 3:10

ka domempauo bawaa kanandio-andio a luwuno anu mpeparenta ka anu mempabawa i suruga mperupa-rupa ponto'ori-Do Ue Ala,

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

IBARANI 8:5

Pompekakaakodo onaemo gambara ka eo-eono inso a hapa anu mekongko i suruga, mengkena kana anu ipinauako i Musa, tempono ta mowangu kema, ”Pewowoloo koa,” kanandiomo pau-Do, ”nine uweweuo luwuno montonda pandiri anu umariomo utinisoako a wawo ntorukuno atuu.”

IBARANI 9:23

Gaagi luwuakoano anu metondoniako hapa anu kongko i suruga asalakono pinokomempori kanandio, sine luwuno parewa suruga pinokomemporiako luwuno pesomba anu lalu moiko sekonopo atuu.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,