EPESU 1:20 - Wunta Mempori

²⁰ anu inangga-Do ndi Ondae i Kerisituu saru wangu Ira inso i olodo mia mate ka montoro Ira i koana-Do i suruga,

EPESU 1:20 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

I MATIU 26:64

Sumangki Ira i Yesu, ”Ipauomo. Sine, Kupauakomiu, mompu'u kanandio-andio komiu mengkitao i Ana Manusia mentoro i koana-Do Anu Tedoa Pabawa ka aiwa a wawo nseru i langi.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I MARAKUSU 14:62

Sumangki Ira i Yesu, ”Ongkuemo Ondae, ka komiu mengkitao i Ana Manusia mentoro i koana-Do Anu Tedoa Pabawa ka aiwa i tonga-tongano seru i langi.”

I MARAKUSU 16:19

Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I YOHANE 10:18

Nahina maupo te'asa mia umalao inso ndi Ongkue, tendeano Kupeweengakono montonda po'ehe-Ku Ongkue-Ku. Ongkue pabawa meweengakono ka pabawa wali umalao. Onaemo andio anggaa anu tinarima-Ku inso ndi Ondae Ama-Ku.”

I YOHANE 10:30

Ongkue ka Ondae i Ama aasa koa.”

WINEWEUDO TINENA 10:40

Ondae i Yesu atuu Dowangu Iramo Ue Ala a oleo anu ko'otolu, ka Dopemoikoo Ue Ala Dopepopokita,

WINEWEUDO TINENA 26:8

Tembio ka impotae nahi ta gagi, nine Dowangu ira Ue Ala mia mate?

WINEWEUDO TINENA 4:10

ka imento'oriomo luwumiu ka luwuno bawaa Isaraeli, nine a nee-Do i Yesu Kerisituu, to Nasare, anu pinasomiumo a ngkeu pinotamba, sine anu Dowangu Iramo Ue Ala inso i olodo mia mate – nine hangano Ondaemo i Yesu atuu ka ipentade madoo mia andio i aromiu kanandio-andio.

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.

ROMA 1:4

ka montonda Penaa, memporia pinokomengkaa a mpewangu-Do inso i olodo mia mate, nine Ondaemo Ana-Do Ue Ala anu pabawa, i Yesu Kerisituu Ueto.

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

PILIPI 3:10

Po'eheno aroaku onaemo ka kuto'ori Ira ka pabawano pewangu-Do ka tepo'asaa a nteweweu nsa'o-Do, ka kugagi mengkenaako Ira a matea-Do,

KOLOSE 1:16

hangano ndi Ondaemo ka ipinokogagi luwuakoano, anu kongko i suruga ka anu kongko i tolino, anu tengkita ka anu nahi tengkita, moiko kadera poparentaa, maupo poparentaa, moiko anu mpeparenta, maupo anu mempabawa; luwuakoano Dopokogagi ira ka tia-Do.

KOLOSE 3:1

Onaemo pu'uno, tewala mewinangu komiu meronga saru Ondae i Kerisituu, ime'ungkeomo mongkona anu i wawono, a mpo'ianga-Do i Kerisituu, mentoro i koana-Do Ue Ala.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 10:12

Sine Ondae, mansa-Do mesombaakono butu aasa pesomba hangano hala, mentoro Ira ranta nahina tampulaano i koana-Do Ue Ala,

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,