EPESU 1:17 - Wunta Mempori

¹⁷ ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 1:17 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

Ayubi 42:5

Butu koa pau inso a mia kurongeo mongkona Omiu, sine kanandio-andio mataku isa'a kumita Komiu.

Po'unde-unde 24:10

”Isemake Ondae, Mokole Marambaa atuu?” ”Ondae Ueno luwuakoano, Ondaemo Mokole Marambaa!” Sela

Po'unde-unde 24:7

Tandeomo ulumu, hei luwuno pewowa langkai, ka intetandemo, hei luwuno pewowa anu mapa'etu-etu nta'u, ka Dopewinso Mokole Marambaa!

Po'unde-unde 29:3

Suara-Do i Ue a wawo uwoi anu i langi, Ondae Ue Ala anu maramba merundu, Ondae i Ue a wawo uwoi anu langkai.

Peluarakoa 28:3

Omue asalakono pauako ira luwuno mia anu hinao ponto'orino, anu umariomo Kupokobukeako ira penaa ponto'ori ka dompoweweu sangka tiano i Haruni anu mokomemporio, kai pompekakaako gagi sando mpesomba ndi Ongkue.

Powadi 18:15

Aroano mia hinao ponto'orino mohawe ponto'ori, ka birino mia pande mosongka mo'ungke ponto'ori.

Powadi 2:5

ka omue komohawe ponto'ori mongkona doitoako Ira i Ue ka mohawe ponto'ori mongkona Ondae Ue Ala.

Yesaya 11:2

Penaa-Do i Ue ta mo'ia ndi onae, penaa ponto'ori anu mentee ka ponto'ori, penaa pande mosongka ka roso, penaa tumo'orio ka doitoako Ira i Ue;

Yeremia 2:11

horioke asa tongku tumobosio pinesombaino kahinaano luwuno pinesombai atuu komba Ondae Ue Ala? Sine bawaa-Ku, Ue Alado anu maramba domentobosiakono luwuno pinesombai anu nahi mentudu.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Danieli 10:1

A nta'u ko'otolu poparentaano i Koresi, mokoledo to Peresia, asa pau pinokomengkaa ndi Danieli anu nineeako i Beletasasari. Pau atuu mentee ka mongkona petea anu langkai. Onae mokonto'orio pau atuu ka ponto'orino atuu ihaweo a laro pongkita atuu.

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MATIU 20:33

Sumangki ira, ”Ue, matamami ka ipokompongkita.”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 12:12

Hangano i tempo koa mbo'u atuu Penaa Mempori ta paguruakomiu hapa anu asalakono komiu mempauo.”

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

WINEWEUDO TINENA 6:10

sine nahi dompoko'ewaio ponto'orino ka Penaa anu tumenao ka ipepau.

WINEWEUDO TINENA 7:2

Sumangki i Setepanu, ”Hei pepaekompo ka ama luwumiu, imerongeomo! Ondae Ue Ala anu Tedoa Maramba mepopokita Iramo ndi Burahima uempu'uto, tempono da ipo'ia i Mesopotamia, se'eluno napi po'ia i Harani,

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 15:6

ranta ka impe'asa aroa ka mpe'asa mpau umunde-unde Ira Ue Ala ka Ama-Do Ueto, i Yesu Kerisituu.

1 KORINTI 12:8

Hangano a mia anu aasa Ondae Penaa moweeakono pompowee ka ipepauako ponto'ori anu mentee, ka a mia anu susua Ondae Penaa anu mengkena moweeakono pompowee ka ipepauako ponto'ori mompewowolo.

1 KORINTI 14:6

Gaagi, pepaekompo luwu-luwu, tewala aiwa aku ndi omiu ka kupepauako pau penaa, hapake tuduno atuu ndi omiu, tewala nahi kupohaweakomiu pinokomengkaa-Do Ue Ala ke ponto'ori ke mompau anu ta gagi ke pompaguru?

1 KORINTI 2:10

Hangano ndi ontae Dopokomengkaaomo Ue Ala hangano Penaa, hangano Penaa mepenteeo luwuakoano, maupo mongkona anu tewuni mongkona Ondae Ue Ala.

1 KORINTI 2:8

Nahina anu pabawa i wawontolino andio tumo'orio, hangano bakanaano domento'orio, nahi domempaso Ira i Ue anu maramba a ngkeu pinotamba.

2 KORINTI 12:1

Asalakono aku mawongko, maupo lano mongkona atuu nahina tuduno, maupo kanandio aku paleleo luwuno pongkita ka luwuno pepokomengkaa anu tinarimaku inso ndi Ondae i Ue.

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

EPESU 3:5

anu i tempono mapa'api-api ntumuwu i ndi'upua nahi pinalele a luwuno anano mia, sine anu kanandio-andio pinokomengkaa i larono Penaa a luwuno tinena ka nabi anu mempori,

EPESU 4:13

ranta ka tontepo'asamo luwu a pompe'ala-ala ka ponto'ori anu mentee mongkona Ana-Do Ue Ala, sompoomo tinuwu, ka tuwuno anu menunu saru bobotoli-Do i Kerisituu,

PILIPI 3:15

Onaemo pu'uno tome'aiwamo, anu bobotoliomo pompe'ala-alato, mpompewowolo kanandio. Ka tewala susua pinewowolomiu mongkona anu asa rupa, mongkona atuu Ira koa mokomengkaao mbo'u Ue Ala ndi omiu.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

YAKOBU 2:1

Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

2 PETURU 1:3

Hangano pabawa-Do Ue Ala moweeakitamo luwuakoano anu mentudu tiano tuwu anu moleo hangano ponto'orito mongkona Ondae, anu moboi kitamo hangano pabawa-Do anu maramba ka kinohali-haliako.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

MENGKAAA 7:12

saru mpotae, ”Ami! Po'unde-unde ka marambaa, ka ponto'ori mentee ka pontarimakasi ka pompelangkai ka pabawa ka roso tia-Do Ue Alato ranta nahina tampulaano! Ami!”