EPESU 1:11 - Wunta Mempori

¹¹ Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

EPESU 1:11 ပူးပေါင်းရင်းမြစ်များ

Ayubi 12:13

Kahinaano ndi Ondaemo Ue Ala ponto'ori ka roso, Ondaemo anu hinao pontimbanga ka ponto'ori.

Ayubi 33:29

Menteeano, luwuno andio Doweweuo Ue Ala pendua, tendeano pentolu a mia:

Po'unde-unde 37:18

Ondae i Ue merioo tuwuno mia moleo, ka tia pusakado ta kongko mpiha nahina tampulaano;

Powadi 8:14

Ndi ongkue hinao patudu ka pontimbanga, ongkuemo ponto'ori, ndi ongkuemo roso.

Yesaya 25:1

Oo Ue, Omiumo Ue Alaku; aku melangkai Komiu, umunde-undeo nee-Miu, hangano Iweweuomo luwuno tinoo-Miu anu kinohali-haliako, anu mompu'u i ndi'ipua pine'ala-ala ka moroso.

Yesaya 28:29

Anu wela wineweu mbo'u andio te'inso ndi Ondae Ueno luwuakoano; Ondae kinohali-haliako a laro pomputusi ka maramba a laro posongkaa.

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yeremia 23:18

Hangano isemake anu hawe a laro nterisoa-Do i Ue, ranta ka ipekokoongakono ka rumongeo pau-Do? Isemake anu mekokoongakono pau-Do ka rumongeo?

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Sakaria 6:13

Onaemo anu ta wanguo raha-Do i Ue, ka onaemo anu ta mohawe pompelangkai ka ta mentoro moparenta a wawo ngkadera poparentaano. Ta hina asa mia sando mpesomba a wawo ngkadera poparentaano ka me'asa mpau manangai ta kongko i olodo.

WINEWEUDO TINENA 13:48

Rumongeo atuu mpo'unde iramo luwuno mia anu nahi domento'ori ira Ue Ala ka dome'unde-undeo pau-Do i Ue; ka luwuno mia anu Dopakosio Ue Ala a ntuwua anu nahina tampulaano, gagi mpompe'ala-ala.

WINEWEUDO TINENA 2:23

Ondae anu Dopeweengako Iramo Ue Ala montonda tinoo-Do ka pinakosi-Do, imempaso Iramo a ngkeu pinotamba ka impepateako Ira kaedo tongku anu tedoa lambaha.

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 20:32

Ka kanandio-andio kupeweengakomiu ndi Ondae i Ue ka a mpau pompehohawa-Do, anu pabawa wangu komiu ka moweeakomiu tia anu pinakosiako luwuno mia anu Dopokomemporiomo.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

WINEWEUDO TINENA 4:28

ka weweuo luwuakoano anu se'eluomo Ipakonsiakono pabawa ka po'ehe-Miu.

ROMA 11:34

Hangano, isemake anu tumo'orio pinewowolo-Do i Ue? Ke isemake anu horio gagi puu pompatudu-Do?

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

ROMA 8:30

Ka ondae anu pinakosi-Do se'eluno, ondae koa mbo'u pinoboi-Do. Ka ondae anu pinoboi-Do, ondae koa mbo'u pinokomentee-Do. Ka ondae anu pinokomentee-Do, ondae koa mbo'u pinokomaramba-Do.

ROMA 9:11

Hangano tempono napi dopine'anaako nana'ote atuudo ka napi dopoweweu anu moiko ke anu mosa'o, – ka ipinokoroso tinoo-Do Ue Ala mongkona pobiniki-Do, komba me'empehiako wineweu, sine me'empehiako pepoboi-Do –

GALATIA 3:18

Hangano, tewala hapa anu pinakosi-Do Ue Ala mepu'u inso a songka Taura, komba mepu'u inso a dandi; sine tendeano hanganomo dandi ka Dopoweeakono i Burahima pompehohawa-Do.

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 1:5

A laro pompehohawa Dopakosi kitamo inso a pompu'uano hangano Ondae i Yesu Kerisituu ka tomegagi ana-Do, menunu saru po'ehe-Do Ondae-Do,

EPESU 1:8

anu hadio ntu'u Doweeakita a luwuno ponto'ori ka pohaweno aroa.

EPESU 1:9

Hangano Dopokomengkaaomo rahasiano po'ehe-Do ndi ontae, menunu saru tinoo-Do Ondae-Do, onaemo tinoo-Do Ondae-Do anu inso amba-ambano Dopakosiomo ndi Ondae i Kerisituu

EPESU 3:11

menunu saru tinoo anu nahina tampulaano, anu Doweweuomo ndi Ondae i Kerisituu Yesu, Ueto.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 3:24

Imento'orio, nine insomo ndi Ondae i Ue komiu mpontarima tia anu imempinakosiako gagi tambo. Ondaemo i Kerisituu pe'uea ka omiu ata-Do.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 3:7

Ontae anu megagi mia pinokomentee hangano pe'aroa-Do, ka tontekona mpontarima tuwua anu nahina tampulaano, menunu saru pomperorohito.

IBARANI 6:17

Onaemo pu'uno, ka ilalu manasado anu tekona mentarimao dandi atuu ka dompe'ala-alao koa ntu'u manasano pomputusi-Do, Ondae Ue Ala wutuakono sumpa koroi-Do,

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 PETURU 1:4

ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,