EPESU 1:1 - Wunta Mempori

¹ Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

EPESU 1:1 ပူးပေါင်းရင်းမြစ်များ

Podoaa 12:7

Nahi kanatuu saru tetenaa-Ku i Musa, asa mia anu metenunu a laro luwuno raha-Ku.

I LUKASI 16:10

”Ba isema metenunu a luwuno wineweu kodei, onae metenunu koa mbo'u a luwuno wineweu anu langkai. Ka ba isema nahi mentee a luwuno wineweu anu kodei, onae nahi mentee koa mbo'u a luwuno wineweu anu langkai.

WINEWEUDO TINENA 16:15

Umarino binaho meronga saru luwuno pe'asa rahano, i oluako kami, ipotae, ”Tewala pohawemiu, nine mentee ntu'u kupe'ala-ala Ira i Ue, ime'aiwamo ka imperato i rahaku.” Idadai kami ranta ka kime'induo.

WINEWEUDO TINENA 18:19

Ka i'amba mehawe iramo i Epesu. I Paulu binta ira i Perisikila ka i Akiwila i tu'ai. Onae mewinso a raha tepumpua ka ipepauako ira to Yahudi.

WINEWEUDO TINENA 18:21

Onae metompa ka ipotae, ”Aku koa mekule ndi omiu, tewala Dope'eheo Ue Ala.” Ka i'amba sumombaomo inso i Epesu.

WINEWEUDO TINENA 9:13

Sumangki i Anania, ”Ue, inso a hadio mia kurongeomo mongkona mia atuu, hadio ntu'u wineweu mosa'o anu wineweuno a mia mempori-Miu i Yerusale.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

1 KORINTI 4:12

anggaa anu mobea kime'anggaakono kaemami. Tewala mempinepaukiako kami, mporonso kami; tewala mewineweunsa'o kami, mensabara kami;

1 KORINTI 4:17

Onaemo pu'uno ka kutenao i Timotiu aiwa ndi omiu, onaemo ana anu pinehohawaku ka anu pine'ala-ala ndi Ondae i Ue. Onae ta mopoto'oriakomiu tuwua anu tinondaku ndi Ondae i Kerisituu Yesu, kana anu kupaguruako ira a sompo bawaa i sua-suamo koa.

2 KORINTI 1:1

Inso ndi Paulu, anu hangano po'ehe-Do Ue Ala gagi tinena-Do i Kerisituu Yesu, ka inso ndi Timotiu pepaekompoto, hawe a bawaa-Do Ue Ala i Korinti saru luwuno mia mempori i asa wawo wita Akaya.

GALATIA 1:1

Inso ndi Paulu, asa mia tinena, komba hangano mia, komba mbo'u hangano asa mia, tendeano hangano Ondae i Yesu Kerisituu ka Ondae Ue Ala, Ama, anu wangu Iramo inso i olodo mia mate,

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

GALATIA 3:9

Gaagi ondae anu mentuwu inso a pompe'ala-ala, ondaemo anu merinonso meronga saru i Burahima anu mompe'ala-ala atuu.

EPESU 1:15

Onaemo pu'uno, mansaku rumongeo mongkona pompe'ala-alamiu ndi Ondae Ue Yesu ka mongkona pompehohawamiu a luwuno mia mempori,

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 2:13

Sine kanandio-andio omiu a ntepo'asaa saru Ondae i Kerisituu Yesu, anu i ndi'upua ”me'olai”, gagiomo ”umpeda” hangano rea-Do i Kerisituu.

EPESU 2:6

ka ndi Ondae i Kerisituu Yesu Dowangu kitamo mbo'u ka mowee kita po'ianga meronga saru Ondae i suruga,

EPESU 6:21

Ka imento'orio koa mbo'u teweweu ka mongkona inanggaku, ka i Titiku, pepaekompoto anu kinekewoi ka puu pompekakako anu metenunu ndi Ondae i Ue, ka pauakomiu luwuno.

KOLOSE 1:2

a luwuno pepaekompo anu mempori ka anu mpompe'ala-ala ndi Ondae i Kerisituu i kota Kolose. Pe'aroa ka rodoa inso ndi Ondae Ue Ala, Amato, kumongkomi komiu.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.