Danieli 6:23 - Wunta Mempori

²³ Ondae Ue Alaku montena Iramo mala'eka-Do mokopuo ngangado singa atuudo onaemo ka nahi domebelai aku, hangano mengkaa nahina salaku i aro-Do; ka ndi omiu mbo'u ueku, mokole, nahi kupoweweu anu mosa'o.”

Danieli 6:23 ပူးပေါင်းရင်းမြစ်များ

1 Mokole 5:7

Mansano rumongeo i Hirami pe'oliwino i Salomo atuu, tedoaomo mo'unde ka ipotae, ”Unde-unde Ira i Ue a oleo andio, hangano Dopoweeakonomo i Daudi asa ana anu pande mompewowolo wawa ira tongku anu langkai atuu.”

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Po'unde-unde 18:21

Ondae i Ue weweu aku menunu saru menteeku, Ondae paguru aku menunu saru memporino kaeku.

Po'unde-unde 37:40

Ondae i Ue montulungi ka motola ira, Ondae motola ira inso a ngkaeno mia mosa'o gauno ka kumadudui ira, hangano mpepekadudui ira ndi Ondae.

Peluarakoa 18:9

Mawongko aroano i Yitiro rumongeo luwuakoano wineweu-Do i Ue anu moiko a nto Isaraeli itempono Dokadudui ira inso a ngkaedo to Masiri.

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Yesaya 26:3

Anu moroso aroano Omiu dumagaiakono rodoa, sintuwu manangai, hangano ndi Omiumo ipompe'ala-ala.

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 3:25

Ipotae, ”Sine kukitao opaa mia mpelempa-lempa i tonga-tongano api atuu. Nahi domemobela, ka anu ko'opaa atuu tengkita kana anano pinesombai!”

Danieli 6:14

Ka do'amba mpotae ndi mokole, ”I Danieli, asa mia i olodo mia mentinadi inso i Yehuda, nahi perio komiu ueku, mokole, ka nahi perioo pepo'onto anu linuarakomiu; pentolu asa oleo ipowuatako pekakai.”

Danieli 6:18

Asa watu winawa ka ninaa a ngangano aa atuu, ka i'amba mokole tumondoniakono sinsi pontondonino, saru mbo'u sinsi pontondonido anu langkai potorono, ka si hina bali maupo hapa ndi Danieli.

I MARAKUSU 9:23

Sumangki Ira i Yesu, ”Potaemu: tewala Ipolio? Nahina anu nahi ta gagi a mia anu mompe'ala-ala!”

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,