Danieli 2:20 - Wunta Mempori

²⁰ Motaeomo i Danieli, ”Inunde-undeomo nee-Do Ue Ala inso nahina tampulaano hawe nahina tampulaano, hangano inso ndi Ondae ponto'ori ka roso!

Danieli 2:20 ပူးပေါင်းရင်းမြစ်များ

Tegagia 14:20

ka inunde-unde Iramo Ue Ala Anu Tedoa Mantande, anu meweengako iramo iwalimu a ngkaemu.” I Burama moweeakono asa ntia hopulu inso a luwuno.

1 Mokole 8:56

”Unde-unde Ira i Ue, anu moweeako ira penaa-naaa a bawaa-Do Isaraeli menunu saru luwuno anu dinandi-Do; nahina maupo te'asa anu nahi Do'ihiio inso a luwuno dandi anu moiko, anu dinandi-Do molalo i Musa, tetenaa-Do.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 20:21

Mansano umari teriso saru palili, itiso ira mia anu ira mpenaniako penani tia-Do i Ue ka umunde-unde Ira i Ue, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i Ue, menteeano ranta nahina tampulaano petenunu ka pompehohawa-Do!”

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Ayubi 12:13

Kahinaano ndi Ondaemo Ue Ala ponto'ori ka roso, Ondaemo anu hinao pontimbanga ka ponto'ori.

Po'unde-unde 113:1

Haleluya! Unde-unde Iramo, hei luwuno tetenaa-Do i Ue, unde-undeomo nee-Do!

Po'unde-unde 113:2

Po'ineeomo nee-Do i Ue ipinalele, kanandio-andio ka nahina tampulaano.

Po'unde-unde 115:18

sine ontaemo anu umunde-unde Ira i Ue, mompu'u kanandio-andio hawe nahina tampulaano. Haleluya!

Po'unde-unde 147:5

Langkai pabawa-Do Ueto ka tedoa Ira moroso, pande-Do mosongka nahina tompaano.

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 62:11

Si mpompe'ala-ala a pompokonsiia, si pomperorohi anu nahina tuduno a rinontu; tewala arataa koteti-tetiangino, si petako aroamu ndi onae.

Powadi 8:14

Ndi ongkue hinao patudu ka pontimbanga, ongkuemo ponto'ori, ndi ongkuemo roso.

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Yehesikieli 28:3

Menteeano ponto'orimu anu mentee lumaloio ponto'ori menteeno i Danieli; nahina rahasia anu tetutuwi ndi omue.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,

MENGKAAA 5:12

dompotae saru suara meroku, ”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”