Danieli 11:35 - Wunta Mempori

³⁵ Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Danieli 11:35 ပူးပေါင်းရင်းမြစ်များ

2 Tawarika 32:31

Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Danieli 11:27

Orua mokole atuu mosa'o tinoodo, ka tempono dope'asa mentoro a asa meda, ira mambe gaupi. Sine, mongkona atuu nahi ta mehasili, hangano tampulaano wawontolino atuu napi haweako tempo anu pinakosi.

Danieli 11:29

A tempo anu pinakosi onae ta mewinsokio mbo'u wita Selata, sine pohona andio nahi ta mengkena saru anu amba-ambano.

Danieli 11:33

Mia anu pande mosongka i olodo bawaa atuu ira meweweuo hadio mia mento'orio sine ba'opia tempo tehineno ira mentenangiako ponai ke api, ke hangano tinawa ke rinontu.

Danieli 11:40

A tampulaano wawontolino mokole i wita Selata ta metea umewaio mokole i wita Utara anu ta sumapoiakono kareta ka mia mpengara, saru hadio kapala. Mokole andio ta mewinsoki ira wita sumompoo ka uma'eo luwu kana lolowi.

Danieli 12:3

Luwuno mia anu pande mposongka ira memewanta kana wantano longkuno langi, ka anu montaateomo hadio mia a menteea kana anano wula, kongko mpiha ranta nahina tampulaano.

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Danieli 8:10

Onae gagi langkai hawe a anano wula i langi. Inso a nsorodadu ilangi atuu, onaemo anano wula atuu, idontaio ba'opia i tolino, ka ilolandao.

Danieli 8:17

Ka i'amba aiwaomo a mpo'iangaku mentade. Mansano aiwa, ongkue tededengke ka tebangku tepo'opo. Ipotae ndi ongkue, ”To'oriomo, anano mia, nine pongkita atuu mongkona tampulaano tempo!”

Danieli 8:19

Mepauomo, ”Kupauakomu hapa anu ta gagi i tompano tekuda andio, hangano mongkona atuu onaemo mongkona tampulaano wawontolino.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MATIU 26:56

Sine luwuno andio gagi ka i'inihii anu hinao binuri a wuntado nabi.” Ka do'amba ana guru atuudo binta Ira ka dompolai.

I YOHANE 15:2

Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.

I YOHANE 20:25

Onaemo ka dompotaeakono ana guru anu mehano atuu, ”Kimengkita Iramo i Ue!” Sine ipotaeako ira i Toma, ”Ba napi kukitao hanga mpaso a ngkae-Do ka napi kuwinsoo wunga ngkaeku a laro hanga mpaso atuu ka winsoo kaeku a lompe-Do, nahi aku mompe'ala-ala.”

WINEWEUDO TINENA 13:13

Ka i'amba i Paulu ka wali-walino mebintao Paposo ka mensumomba melako i Perega i Pampilia; sine i Yohane binta ira ka i'amba mekule i Yerusale.

Winali 8:16

ka anu i pada one moweeakomiu mpongkaa mana, anu nahi domento'orio uempu'umiu, ka Doweweu komiu mpe'urumako ka Do'arahako komiu, poko'ariano butu Ira moweweu moiko ndi omiu.

YAKOBU 1:2

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako,

MENGKAAA 14:15

Ka meluarakoomo aasa mala'eka susua inso a Raha Mempori; ka ipebooli saru suara meroku ndi Ondae anu mentoro a wawo nseru atuu, ”Pesewoakonomo ponsewo-Miu atuu ka isowimo, hangano haweomo tempono ka isinowi; hangano sowia i tolino motahaomo.”

MENGKAAA 17:17

Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.