Danieli 11:32 - Wunta Mempori

³² Mia anu mosa'o gaudo a Mpedandia ira mempopandeiakono pau pompopo'oo ranta ka dompebungkuio. Sine, bawaa anu tumo'ori Ira Ue Alano ta moroso mpiha ka meweweuo.

Danieli 11:32 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Po'unde-unde 9:10

Kanatuumo Ondae i Ue onaemo pepekaduduiado mia anu melinanda, pepekaduduia i tempono ma'isoa.

Powadi 19:5

Sakosii megaupi nahi ta tola inso a mpohuku, mia anu mepuuriako pegaupi nahi ta tola.

Powadi 26:28

Elo pegaupi umo'aliaakono ginaupino, ka nganga marampau mowawa masolaa.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Danieli 11:21

Gagi euno ta me'umbaako asa mia anu tinetewehi, anu nahi pohawe pompelangkai mokole. Nahi kinookoo onae ta aiwa moko'alaakono akala pentoroano mokole.

Danieli 11:34

Tempono domentenagi, ira mpohawe tedei pontulungi, ka hadio mia ta mo'onde-onde mpe'asaako ira.

Sakaria 10:12

Aku mokomoroso ira ndi Ondae i Ue, ka ira mentuwu a laro nee-Do,” kanandiomo pau-Do i Ue.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 6:11

Ka ndi ondae singge mia pinoweeako aasa lemba meloe mopute, ka ndi ondae pinotaeako, nine ondae asalakono mpenaa-naa mbo'u sarai ranta ka isompo doado walido mpompekakaako ka luwuno pepaekompodo, anu ira mempinepate mengkena kana ondae.