Ayubi 7:16 - Wunta Mempori

¹⁶ Te'osa aku, nahi kubehe tuwu ranta nahina tampulaano. Po'inee akumo asa-asaku, hangano oleo ntumuwuku butu kana pepuurino penaa.

Ayubi 7:16 ပူးပေါင်းရင်းမြစ်များ

Tegagia 27:46

Ka i'amba i Ribeka motaeakono i Saki, ”Kute'osaakono tuwuku hangano beine to Heti atuudo. Tewala i Yako mbo'u mo'ala kombiano inso i olodo beine i wita andio, kana beine to Heti atuu, hapa mbo'u tuduno kutuwu?”

1 Mokole 19:4

Sine onae lumako i pada one asa oleo pelempaa olaino. Hawe ka ipentoro i totono keu arari. Onae mo'ema kai mate, ipotae, ”Sompoomo! Kanandio-andio, oo Ue, I'alaomo penaaku, hangano ongkue andio komba laluaopo moiko sekono uempu'uku.”

Ayubi 10:1

”Kute'osaakono tuwuku, ineheku motolao masusaku, ineheku mepau a laro marasaino laroku.

Ayubi 10:20

Kombake oleo ntumuwuku butu tedei? Po'inee akumo asa-asaku, ka kupokomawongko sarai,

Ayubi 14:6

Moikoano Ilimbao pengkita-Miu inso ndi onae ka po'ineeomo i penaa-naa ranta ka irasao oleono kana mia tinambo.

Ayubi 6:9

Po'ineeomo ka Dopemoikoo Ue Ala pirego aku, po'ineeomo Dopotiio kae-Do ka mepate aku.

Ayubi 7:15

Ongkue mbo'u inehekupo tinolonggeo ka mate sekonopo tumembio masusaku.

Ayubi 7:7

Impewowoloomo, nine tuwuku butu pepuurino penaa; mataku nahi ta mongkita mbo'u anu moiko.

Ayubi 9:21

Nahina salaku! Nahi kuperioo koroiku, kute'osaakono tuwuku!

Po'unde-unde 144:4

Mia mengkena kana angi anu mepuuri, luwuno oleo ntuwuno kana eo-eo anu telalo.

Po'unde-unde 39:10

Tekonso elo aku, nahi ku'ungkahio ngangaku, hangano Omiumo anu weweuo luwuno atuu.

Po'unde-unde 39:13

Rongeomo pekakaiku, oo Ue, ka Ipo'aroomo biri-Miu a mpebooliku mepetulungi, siimo Ipenoro-noro kumitao uwoi mataku! Hangano ongkue andio mia hawe anu mo'ia meronga saru Omiu, mia hawe kana luwuno uempu'uku.

Po'unde-unde 39:6

Kitao, butu ba opia otuwe koa Itantuio tinuwuku; ka tempo tumuwuku kana mooa i aro-Miu. Oo, mia butu tuwu tempono hinao penaano! Sela

Po'unde-unde 62:9

Pe'ala-ala Iramo sompo tempo, hei bawaa, pauomo ihino aroamu i aro-Do; Ondaemo Ue Ala pepekaduduiato. Sela

Po'unde-unde 78:33

Onaemo pu'uno, Doweweuo luwuno oleodo tampula kana ahu ka luwuno ta'udo nahi kinoo-koo.

Po'unde-unde 78:39

Dorambeo nine ondae atuu butu koa bau, angi anu telalo, anu nahi ta mekule.

Puu Pontutulu 2:17

Onaemo pu'uno ku'o'aliaakono tuwu, hangano hapa anu wineweu i totono mata'oleo kupemasusao. Menteeano, luwuno atuu nahina tuduno ka perokuhi mobuani angi.

Yeremia 8:3

Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Yunu 4:3

Gagi kanandio-andio, oo Ue, po'ineeomo I'alaomo penaaku, hangano laluopo kumate sekonopo kutuwu.”

Yunu 4:8

Tempono saba oleo, a pompakosi-Do Ue Ala mepuuriomo angi sabaano oleo anu mokula ntu'u, ranta wantano oleo mokomahakio uluno i Yunu, ka i'amba tebangkuomo telusa. Ka i'amba mo'ema ka imate, ipotae, ”Laluopo kumate sekonopo kutuwu.”