Ayubi 6:10 - Wunta Mempori

¹⁰ Onaemo anu da gagi tareroku, tendeano aku melonso mo'unde i tempono pompemahakiku anu nahina pompehohawano, hangano nahi kuhori humapuo pau-Do Anu Tedoa Mempori.

Ayubi 6:10 ပူးပေါင်းရင်းမြစ်များ

Ayubi 11:4

Potaemu: Pompaguruku molino, ka morina aku a pongkita-Miu.

Ayubi 15:11

Upemakuraoke pontarero-Do Ue Ala, ka pau molusa-lusa ndi omue?

Ayubi 21:33

Batu-batuno wita i lembono mokorodoo; sompo mia tumondao, ka anu mese'elungio nahi pinokopau hadiono.

Ayubi 22:22

Tarimaomo hapa anu ipaguruakomu nganga-Do, ka naaomo pau-Do i laro aroamu.

Ayubi 23:11

Karuku tumondao mpiha hanga ngkaru-Do, aku tumondao pesalaa-Do ka nahi kupansia.

Ayubi 23:12

Parenta inso a wiwi-Do nahi kulimpaio, i laro aroaku kunaao pinau-Do.

Ayubi 3:22

anu mpo'unde a laro mpo'unde-undea, mawongko tewala mpohawe ira kaburu.

Ayubi 9:4

Ondae Ue Ala atuu tedoa monto'ori ka tedoa moroso, isemake anu mokompeteahako umewai Ira, ka kongko tekadudui?

Po'unde-unde 119:13

Saru wiwiku kupopowali-walio luwuno songka anu pinau-Miu.

Po'unde-unde 119:50

Ndiomo pontareroku a laro marasaiku, nine dandi-Miu moweeakune tuwua.

Po'unde-unde 37:30

Ngangano mia mentee mompau ponto'ori anu mentee, ka elono mompopau songka;

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Hosea 11:9

Nahi Aku motiio tekuda-Ku anu tensila, nahi ta sinolangi mbo'u i Eparai. Hangano Ongkue andio Ue Ala komba mia, anu mempori i tonga-tongamiu, ka nahi Aku hawe a laro ntekuda.

Imama 19:2

”Pepaumo a luwuno bawaa Isaraeli ka potaeako ira: Asalakono kai memempori, hangano Ongkue Ue, Ue Alamiu mempori.

Habaku 1:12

Kombake mompu'u i ndi'ipua Omiu Ue, Ue Alaku anu tedoa mempori? Nahi kami memate. Oo Ue, ondae Ipakosi iramo ka dompohuku. Oo Torukuno Watu Ipakosi iramo ka domposepi.

Habaku 3:3

Ondae Ue Ala aiwa inso i wita Temani, Anu Tedoa Mempori inso a mentorukuno Parani. Sela Langkaino pabawa-Do buketio langi, ka tolino bukeako po'unde-unde ndi Ondae.

WINEWEUDO TINENA 20:20

Maupo kanatuu nahi kuhori kumolupeo hapa anu mentudu ndi omiu. Luwuno kupaleleo ka kupaguruakomiu, moiko i arono mia hadio maupo a luwuno tepumpua a rahamiu;

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

Winali 29:20

Ondae i Ue nahi Ira umampunio mia atuu. Tekuda ka monsiri-Do i Ue ta tensila ndi onae i tempo atuu. Luwuno sumpa anu teburi a wunta songka andio ta umaluo, ka Ira umoninio i Ue neeno inso i totono langi.

MENGKAAA 3:7

”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”

1 Samueli 2:2

Nahina anu mempori kana Omiu Ue, hangano nahina anu susua sangkadio Omiu, ka nahina pepekaduduia anu moroso kana Ondae Ue Alato.