Ayubi 5:5 - Wunta Mempori

⁵ Hapa anu sinowino, pingko domengkaano mia anu mokoninggo, tendeano rinontu inso a ntonga-tongano rui, ka luwuno mia mokoranga memosisiriakono pompolino.

Ayubi 5:5 ပူးပေါင်းရင်းမြစ်များ

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

Ayubi 1:15

mehawe iramo to Sieba mposapoi ka merontuo saru numangiako ira ponai puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 1:17

Kontongaano mepau mia atuu, hawe mia susua ka ipotae, ”To Kasidimi mpoweweu otolu bawaa sorodadu, ka do'amba mensapoi ira unta ka merontuo saru numangiako ira ponai puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 12:6

Rodoomo kemado puu mponsolangi, ka merodo iramo anu mpokotesingkao tekuda-Do Ue Ala, ondae anu inehedo wawa Ira Ue Ala a ngkaedo.

Ayubi 2:3

Pau-Do i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o. Onae metenunu mpiha a laro pompe'ala-alano, maupo u'olua-Kune umewaio ka imasola nahina pu'uno.”

Ayubi 20:15

Arataa iteleo, sine iluao mbo'u; Ondae Ue Ala lumuarakono inso a laro kompono.

Ayubi 20:22

A laro mare'eno anu tedoa hadio i'aluo marasai; onae i'aluo masusaa anu mongkokongiri ntu'u.

Ayubi 22:10

Onaemo pu'uno ka ilimbuko pompete'umala, ka mongkokongiria mepobingko modengkeko.

Po'unde-unde 109:11

Po'ineeomo anu monsinga pasua ka i'alangkorao luwuno anu pine'ueno, ka mia susua mpomuruo hasilino pe'iseino.

Yesaya 62:8

Ondae i Ue mesumpa Iramo a ngkae ngkoana-Do, a ntokia-Do anu moroso, ”Menteeano, nami Aku mbo'u meweengakono gandumu gagi kaangado iwalimu. Menteeano, mia mehawe nahi ira mpo'inu uwoi anggoromu anu hinawemu a mpe'iseimu.

Yeremia 51:34

Ongkue kinaa, irawoo i Nebukanesa, mokole i Babeli, iweweuo kana mangko mooa. Onae tumele aku kana ule naga, onae umihiiakono kompono kaangaku anu mo'ahi, ka i'amba lumua aku.

Yeremia 51:44

Aku humukuo Pinesombai Bela i Babeli, ka lumuarakono inso a ngangano hapa anu tineleno. Luwuno tongku nahi ira mewaa mbo'u ndi onae; rere watuno mbo'u Babeli tehoaomo.

Ponsabangi 2:16

Ndi omue luwuno iwalimu mpongangao ngangado. Ondae mpomansu mpopopodeu-deu, mpokingkio ngisido, ka mpotae, ”Umariomo kimeropuo! Ndiomo oleo anu sinisikorimami, omami mpembasaio, omami mengkitao!”

Ponsabangi 2:5

Ondae i Ue gagi kana iwali; Isaraeli Dokaano, rumopuo luwuno po'iangano, rumawo-rawoo luwuno benteno, mokohadioo masusa ka mekohe a ana beine Yehuda.

Hosea 8:7

Hangano ondae mporawo angi, ira mponsowi lompiu. Gandu anu mentonggi nahina ndi ondae; luwuno punopaho nahi pehasiliako tarigu; ka tewala mompowee hasili, mia hawe tumeleo.

Winali 28:33

Asa tongku anu nahi imento'orio ira mengkaano hasilino witamiu ka luwuno hasilino pe'iseiamiu; komiu wela mepinokonsii ka melinolanda.

Winali 28:51

Tongku atuu ira mengkaano hasilino pinotuwumiu ka hasilino witamiu, ranta kai meropu. Nahi ira mpobintaakomiu moiko gandu, uwoi anggoro, ke lana, maupo ana nsapimiu ke anano asa bawaa bembe bimbamiu, ranta kai memasola.

Puu Mpobitara 6:11

Ka i'amba hawe Mala'eka-Do i Ue, mentoro ia totongkeu tarabanti i Opara, anuno i Yoasi, to Abieseri atuu. I Gideo ka anano monsesa gandu a mpotirisaa anggoro, kai tewuni te'inso a nto Midia.