Ayubi 42:8 - Wunta Mempori

⁸ Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Ayubi 42:8 ပူးပေါင်းရင်းမြစ်များ

Tegagia 20:17

I Burahima mekakai ndi Ondae Ue Ala, ka i'amba Ondae Ue Ala mokotompao i Abimele ka beineno saru luwuno atano beine, ranta ka dompe'ana.

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

1 Tawarika 15:26

Hangano Dotulungi iramo Ue Ala to Lewi anu mpontande Burua Pedandia-Do i Ue atuu, pinesombaakoomo opitu sapi laki ka opitu bimba laki.

2 Tawarika 29:21

Domewawao opitu sapi lakino, opitu bimba lakino, opitu ana bimba ka opitu bembe lakino gagi pesomba po'onini hala a nsomborino mokole, po'ianga mempori ka Yehuda. Iparenta ira sando mpesomba, inuleno i Haruni ka dompesombaakono a wawo meda pontunua pesomba ndi Ondae i Ue.

Ayubi 1:5

Sompo umarino oleo pogawea, i Ayubi moboi ira ka mokomempori ira. Tisomono mo'oru, i Ayubi mewangu ka mompesombaako pesomba tinunu menunu saru hadiodo, hangano ipewowoloo, ”Bara'ura anaku mpoweweu iramo hala ka domentotonaa Iramo Ue Ala i laro aroado.” Kanandiomo iwela weweuo i Ayubi.

Ayubi 1:8

Ka Do'amba mesikeno i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o.”

Ayubi 22:30

Mia anu nahina salano Dopotolao: omue kotola hangano nahi mokoburu kaemu.”

Ayubi 35:8

Butu mia kana omue anu pinokorugino gaumu anu mosa'o ka butu anano mia anu pinokome'urano menteea.

Ayubi 42:9

Ka i'amba i Elipasi, to Temani, i Bilidadi, to Suahi, ka i Sopari, to Na'ama melako meweweuo kana hapa anu pinau-Do i Ue ndi ondae. Ondae mbo'u i Ue tumarimao po'emano i Ayubi.

Po'unde-unde 103:10

Komba Doweweuo ndi ontae menunu saru halato, ka nahi Dopombalo ndi ontae menunu saru salato,

Peluarakoa 18:12

Umarino atuu i Yitiro, ponino i Musa, mompesombaako pesomba tinunu ka ba opia pesomba sinumbele ndi Ondae Ue Ala. I Haruni ka luwuno mia memota'u Isaraeli me'aiwa mpongkaa mperonga-ronga saru ponino i Musa i aro-Do Ue Ala.

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Yeremia 14:11

Ondae i Ue mepau ndi ongkue, ”Omue siimo pekakai tiano moikoado tongku andio!

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yehesikieli 14:14

ka maupo i tonga-tongano kongko i Noho, i Danieli, ka i Ayubi, otolu mia andio, ira mengkaduduio butu penaado ondaedo hangano menteedo, kanandiomo pau-Do Ue Ala.

Yehesikieli 45:23

I larono opitu oleo a oleo langkai atuu onae asalakono mompatinda pesomba tinunu tia-Do i Ue onaemo opitu sapi lakino ka opitu bimba lakino anu nahina tataano sompo oleo ka pesomba po'onini hala onaemo asa bembe lakino sompo oleo.

Podoaa 23:1

Ka i'amba motaeomo i Bilea ndi Bala, ”Wanguakunemo i ndi'ai opitu meda pontunua pesomba ka patindaakunemo i ndi'ai opitu sapi lakino ka opitu bimba lakino.”

Podoaa 23:14

Ka i'amba i Bala wawao a Mpada Pompadaso, a punsuno torukuno Pisiga. Iwanguo opitu meda pontunua pesomba ka ipesombaakono asa sapi lakino ka asa bimba lakino i wawono sompo meda pontunua pesomba atuu.

Podoaa 23:29

Motae i Bilea ndi Bala, ”Wanguakunemo i ndi'ai opitu meda pontunua pesomba ka patindaakunemo i ndi'ai opitu sapi lakino ka opitu bimba lakino.”

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

2 TIMOTIU 4:14

I Alesanderi, puu mpolabu mala atuu, hadioomo ipoweweu mosa'o ndi ongkue. Ondae i Ue Ira mombaloakune montonda wineweuno.

IBARANI 10:4

Hangano komba reano sapi lakino ke reano bimba lakino po'onini hala.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

YAKOBU 5:14

Tewala hiao asa mia i olomiu anu mahaki, moiko impoboi ira penatua bawaa, ka dompekakaiakono saru mehahiakono lana a nee-Do i Ue.

YAKOBU 5:16

Onaemo pu'uno ka imemambe mangakuakono halamiu ka memambe pekakaiako, ka imetompa. Pekakaino mia mentee, tewala ipe'ala-alao ntu'u ipinekakaiako, langkai ntu'u pabawano.

1 YOHANE 5:16

Tewala hinao asa mia kumitao pepaekompono moweweu hala, onaemo hala anu komba mowawa matea, po'ineeomo ka ipekakai ndi Ondae Ue Ala ka Ira moweeakono tuwua, onaemo ondae, anu mpoweweu hala anu komba mowawa matea. Hinao hala anu mowawa matea; mongkona atuu komba kupauo, nine asalakono ka ipekakai.

1 YOHANE 5:6

Ondaemo andio anu haweako uwoi ka rea, onaemo Ondae i Yesu Kerisituu, komba butu saru uwoi, sine saru uwoi ka saru rea. Ka Penaa anu mompowee ponsakosii, hangano Penaa Ondaemo menteea.

MENGKAAA 3:9

Kitaomo, ba opia mia inso a bawaano i Mosa'o, onaemo ondae anu mempauo koroido to Yahudi, sine anu menteeano komba kanandio, tendeano mpegaupi, Aku meweengako ira ndi omue. Menteeano Aku tumena ira me'aiwa ka mpenggolontu a mpuu karumu ka memangaku, nine Kupehohawako.

1 Samueli 25:35

Ka i'amba tumarimao i Daudi hapa anu iwawaakono beine atuu ka ipotaeakono, ”Pekulemo temoiko i rahamu. Kupe'ala-alaomo pinaumu ka kutondaakomu po'emamu.”