Ayubi 42:2 - Wunta Mempori

² ”Kuto'orio nine Omiu polio weweuo luwuakoano, ka nahina tinoo-Miu anu nahi gagi.

Ayubi 42:2 ပူးပေါင်းရင်းမြစ်များ

Tegagia 18:14

Hinaoke te'asa anu nahi ta gagi ndi Ondae i Ue? A tempo anu pinakosiomo atuu, ta'u ramai, Aku wali tepohaweakomu. A tempomo atuu i Sara hinao anano asa ana ntama.”

Ayubi 23:13

Sine nahi Dohori bali, isema moko'onsoi Ira? Hapa anu inehe-Do Doweweuo.

Ayubi 25:2

”Pabawa ka mongkokongiria kongko ndi Ondae, anu tumeahakono manangai a mpo'ianga-Do anu mantande.

Ayubi 42:1

Ka i'amba sumangki i Ayubi ndi Ondae i Ue,

Po'unde-unde 135:6

Ondae i Ue Doweweuo hapa anu inehe-Do, i langi ka i tolino, a ntahi ka a luwuno wingke ondalo;

Po'unde-unde 139:2

Omiu tumo'orio tempono kupentoro ke mentade, Omiu mokonto'orio pinewowoloku inso olai.

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Powadi 19:21

Hadioomo sinongka i aroano mia, sine pomputusi-Do koa i Ue anu gagi.

Puu Pontutulu 3:14

Kuto'orio nine luwuakoano anu wineweu-Do Ue Ala ta kongko mpiha ranta nahina tampulaano, nahi pinokotiangi ke pinokura. Ondae Ue Ala weweuo kanatuu ka idoito mia ndi Ondae.

Yesaya 14:27

Ondae Ueno luwuakoano montoo Iramo, isemake anu polio umonsoio? Kae-Do tinandeomo, isemake anu polio weweuo ka iwali pinadii?

Yesaya 43:13

Ka a mpotilalono Ongkuemo Onae, ka nahina anu mokompotolao inso a ngkae-Ku; Ongkue weweuo, isemake anu moko'ontoo?”

Yesaya 46:10

Ongkuemo anu pauo inso a pompu'uano mongkona luwuakoano anu pokotompa ka inso a tempo se'eluno ntu'u hapa anu napi pinokoweweu, anu motae: Tinoo-Ku ta gagi, ka luwuno po'ehe-Ku Aku weweuo.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

Yehesikieli 38:10

Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

I MATIU 19:26

Ondae i Yesu mengkita ndi ondae ka Dopotae, ”A mia anu kanandio nahi ta polio, sine ndi Ondae Ue Ala luwuakoano Dopolio.”

I MARAKUSU 10:27

Ondae i Yesu mengkita ndi ondae ka Dopotae, ”A mia mongkona atuu nahi polio, sine komba kanatuu ndi Ondae Ue ala. Hangano luwuakoano Dopolio Ue Ala.”

I MARAKUSU 14:36

Dopotae, ”Oo Aba, oo Ama, nahina anu nahi Ipolio, I'alaomo tonde andio inso ndi Ongkue, sine komba po'ehe-Ku, tendeano po'ehe-Miu.”

I LUKASI 18:27

Dopotae i Yesu, ”Hapa anu nahi polio mia, Dopolio Ue Ala.”

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –