Ayubi 42:11 - Wunta Mempori

¹¹ Ka i'amba luwuno pepaekompono tama ka beine saru luwuno tepoto'orino i ndi'ipua me'aiwa ndi onae ka mpongkaa meronga saru onae i rahano. Mpetonda ira mpompemasusa ka mentareroo hangano luwuno urasa'o anu Dopokonaakono i Ue ndi onae. Ondae singge mpoweeakono doi asa kesita ka asa sinsi wulaa.

Ayubi 42:11 ပူးပေါင်းရင်းမြစ်များ

Tegagia 24:22

Mansano luwuno unta atuu me'umari mpo'inu, mia atuu umalao tole-tole wulaa anu mobeano entonga sikala ka asa pasa mala-mala ngkae anu mobeano hopulu sikala wulaa,

Tegagia 24:53

Ka i'amba ata atuu lumuarakono peramba-ramba wulaa ka salaka saru sangka, ka luwuno atuu iweeakono i Ribeka. Ipoweeakono koa mbo'u pepaekompono ka ineno luwuno sangka anu masuli olino.

Tegagia 37:35

Luwuno anano tama ka beine mpopete'umala mentareroo, sine nahi behe tinarero. Ipotae, ”Naahi! Aku mompemasusa ranta ka kupetii tepohaweakono anaku a mpo'iangado mia mate!” Kanandiomo amano mengeseio i Yusupu.

Ayubi 16:5

Aku mokorosoakomiu ngangaku, ka nahi aku umontoo wiwiku ka ipontarero.

Ayubi 2:11

Otolu ira sambe'eno i Ayubi merongeo mongkona luwuno urasa'o anu umaluo, ka do'amba me'aiwa singe mia inso a mpo'iangado. Ondae onaemo i Elipasi, to Temani, ka i Bilidadi, to Suahi, saru i Sopari, to Na'ama. Ondae ntepo'asa ira a masusano ka mentareroo.

Ayubi 4:4

mia anu tedonta waliomo tinandeako paumu, ka olontuu anu nami moroso upokorosoomo.

Powadi 14:20

Walino mbo'u mia mongkokolaro atuu umo'aliaakono, sine sambe'eno mia kaea atuu hadio.

Powadi 16:7

Tewala Dopemoikoo i Ue pesalaano asa mia, maupo iwalino mia atuu Dopokosintuwuo saru onae.

I YOHANE 11:19

I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo.

ROMA 12:15

Impo'undemo saru mia anu mo'unde, ka impengesemo saru mia anu mengese!

1 KORINTI 12:26

Onaemo pu'uno tewala aasa parewa anu mompemahaki, luwuno parewa mpetonda mpompemahaki; tewala aasa parewa pinelangkai, luwuno parewa ntetonda mawongko.

IBARANI 12:12

Onaemo pu'uno pokorosoomo kae anu molema ka olontuu anu leedu;

IBARANI 13:3

Impewowolo ira koa mia mehinuku, hangano omiu isa'a onaemo mia koa mbo'u mehinuku. Ka impewowolo ira koa mia anu mewineweunsa'o, hangano omiu isa'a da mentuwu komiu koa mbo'u i wawontolino andio.

Yosua 24:32

Luwuno wukuno i Yusupu, anu winawado to Isaraeli inso i wita Masiri domengkaburuo i Sikemi, ia wita anu inolino i Yako asa etu kesita inso ndi anano i Hemoro, amado i Sikemi, ka anu pinakosiako tiado inuleno i Yusupu gagi tia pusakado.

1 Samueli 10:27

Sine dompotae mia melambaha, ”Kana'umpe mia andio ta mokokadudui kita?” Dompepaukiakono ka nahi dompowawa pompowee ndi onae. Sine nahi perio ira.