Ayubi 37:23 - Wunta Mempori

²³ Anu Tedoa Pabawa, anu nahi topokonto'ori Ira, langkai pabawa ka moleo-Do; maupo mompoliako menteea nahi Dopompokonsii.

Ayubi 37:23 ပူးပေါင်းရင်းမြစ်များ

Ayubi 11:7

Upokonto'ori Ira koake Ondae Ue Ala a menteeano ntu'u, me'ihilaroo langkaino pabawa-Do?

Ayubi 11:8

Mantandeno lumaloio langi; hapa anu komokoweweuo? Ondalono lumaloio tolinodo mia mate; hapa anu pinokonto'orimu?

Ayubi 12:13

Kahinaano ndi Ondaemo Ue Ala ponto'ori ka roso, Ondaemo anu hinao pontimbanga ka ponto'ori.

Ayubi 25:2

”Pabawa ka mongkokongiria kongko ndi Ondae, anu tumeahakono manangai a mpo'ianga-Do anu mantande.

Ayubi 26:14

Menteeano, luwuno atuu butu tompano sala-Do; me'ara-arai ntu'u metanga anu rinongeto inso ndi Ondae! Isema mokonto'orio runduno pabawa-Do?”

Ayubi 36:26

Menteeano, Ondae Ue Ala atuu langkai pabawa-Do, nahi tompokohawe laroo, porokono ta'u-Do nahina mokoparesao.

Ayubi 36:3

Aku koa humaweo ponto'oriku inso olai ka mokomentee Ira Anu Weweu aku.

Ayubi 36:5

To'oriomo, Ondae Ue Ala atuu mosia sine nahi Dopokongkodeio maupo isema, moroso Ira ka mosia a laro pompewowolo anu molino.

Ayubi 37:19

Pauakamimo hapa anu asalakono kami mempauo ndi Ondae; nahina anu kami mpokopopauo hangano wongi-wongia.

Ayubi 37:22

Inso i utara me'umbaako wanta kana wulaa; Ondae Ue Ala itutuwi Ira maramba-Do anu mongkokongiri.

Ayubi 8:3

Menteeke Ondae Ue Ala melengkuakono moleoa? Menteeke Anu Tedoa Pabawa melengkuakono menteea?

Ayubi 9:19

Tewala mongkona roso, Ondaemo anu lalu moroso! Tewala mongkona moleoa, isema moko'ewai Ira?

Ayubi 9:4

Ondae Ue Ala atuu tedoa monto'ori ka tedoa moroso, isemake anu mokompeteahako umewai Ira, ka kongko tekadudui?

Po'unde-unde 145:3

Langkai pabawa-Miu ka tedoa inunde-unde, ka langkaino pabawa-Do nahi pinokohawe laro.

Po'unde-unde 30:5

Penaniakonomo penani umunde-unde Ira i Ue, hei luwuno mia anu pinehohawa-Do, ka impesombaakonomo po'unde-unde a nee-Do anu mempori!

Po'unde-unde 62:11

Si mpompe'ala-ala a pompokonsiia, si pomperorohi anu nahina tuduno a rinontu; tewala arataa koteti-tetiangino, si petako aroamu ndi onae.

Po'unde-unde 62:12

Asa rupa Dopauo Ue Ala, orua rupa kurongeo: nine roso kongko ndi Ondae Ue Ala,

Po'unde-unde 65:6

Saru luwuno wineweu anu mongkokongiri ka saru moleoa Isangki kami, oo Ue Ala anu kumadudui kami, Omiumo pine'ala-alano luwuno tompano tolino ka luwuno tahi malua anu olai;

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Po'unde-unde 93:1

Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Puu Pontutulu 3:11

Luwuakoano Doweweuo tekosi ia tempono, tendeano Dopoweeako ira anu nahi bali a laro aroado. Sine, mia nahi pokohawe laroo anggaa anu wineweu-Do Ue Ala inso a pompu'uano hawe pokotompaano.

Puu Pontutulu 7:24

Hapa anu hina, atuu olai ka tedoa ondalo, isema anu mokohaweo?

Yesaya 45:21

Pauomo ka pohaweomo pe'empehimu, oo, po'ineeomo donteriso mperonga-ronga: Isemake anu paleleo mongkona andio inso a tempo se'eluno ntu'u, ka pauakono mompu'u i ndi'ipua? Kombake Ongkue, Ue? Nahina anu susua, nahina pinesombai susua sangkadio Ongkue! Ue Ala anu moleo ka Puu pongkadudui, nahina anu susua sangkadio Ongkue!

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yehesikieli 18:23

Nde Aku memoikooke mateano mia mosa'o gauno? Kanandiomo pau-Do Ue Ala. Kombake a ntepidiano ka ituwu?

Yehesikieli 18:32

Hangano, nahi Kupemoikoo a mateano te'asa mia, kanandiomo pau-Do Ue Ala. Tepidimo, ka imentuwu!”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 12:10

Hangano ondae mempaguru kita a tempo anu sarai menunu saru hapa anu pinemoikodo, sine Ondae Dotunduhi kita a moikoato, ka tompohawe tia a mempori-Do.