Ayubi 34:10 - Wunta Mempori

¹⁰ Onaemo pu'uno, omiu mia anu molino pinewowolomiu, ronge akumo: Ondae Ue Ala nahi Ira moweweu anu mosa'o, ka Anu Tedoa Pabawa moweweu molengku.

Ayubi 34:10 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

2 Samueli 22:31

Ondae Ue Ala pelempa-Do tedoa moleo. Pau-Do i Ue atuu mempori. Ondae gagi kantado luwuno mia anu mpepekadudui ndi Ondae.

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Ayubi 34:12

Mentee ntu'u, Ondae Ue Ala nahi Dopoweweu molengku, Anu Tedoa Pabawa nahi Dopokomolengkuo moleoa.

Ayubi 34:34

Mia anu molino pinewowolono mepau ndi ongkue, kanatuu koa mbo'u mia monto'ori anu merorongeakune:

Ayubi 36:23

Isema ta tumantuio sala-Do, ka isema mosia mepau: Moweweu Komiumo molengku?

Ayubi 37:23

Anu Tedoa Pabawa, anu nahi topokonto'ori Ira, langkai pabawa ka moleo-Do; maupo mompoliako menteea nahi Dopompokonsii.

Ayubi 8:3

Menteeke Ondae Ue Ala melengkuakono moleoa? Menteeke Anu Tedoa Pabawa melengkuakono menteea?

Po'unde-unde 145:17

Ondae i Ue atuu moleo a luwuno poweweu-Do ka buke pompehohawa a luwuno wineweu-Do.

Po'unde-unde 92:15

Maupo tempono mota'u da mpewua ira, madoo mpiha ka moroso,

Powadi 15:32

Isema nahi perioo pompaguru tumadio koroino onaeno, sine isema rumongeo pongkuahako, mohawe pinewowolo molino.

Powadi 6:32

Isema monsosabo nahi molino pinewowolono; mia anu moweweu kanatuu sumolangio koroino.

Yeremia 12:1

Omiu mentee mpiha, oo Ue, tewala ongkue mekara-kara saru Omiu! Sine aku mepau ndi Omiu mongkona moleoa: Tembio ka ime'ura tuwuno mia mosa'o gauno, manangai luwu anu mpoweweu molengku?

Sepanya 3:5

Sine Ondae i Ue atuu moleo i tonga-tongano, nahi Dopoweweu anu mosa'o. Mo'oru me'eu mo'oru Ondae mompowee songka-Do; i tempono saba oleo nahi Dohori menaa-naa. Sine mia lambaha nahi ponto'ori mokoko'ii!

ROMA 9:14

Tewala kanandio, hapake anu kita mempauo? Nde nahi Domoleoke Ondae Ue Ala? Komba mentee!

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

YAKOBU 1:13

Tewala asa mia inara-arahako, si komba ipotae, ”Po'ara-arahako andio hawe inso ndi Ondae Ue Ala!” Hangano Ondae Ue Ala nahi poko'ara-arahako ira anu mosa'o, ka Ondae-Do nahi Dopo'ara-arahako maupo isema.