Ayubi 32:8 - Wunta Mempori

⁸ Sine penaa anu i larono mia, ka penaa-Do Anu Tedoa Pabawa, onaemo anu moweeakono ponto'ori.

Ayubi 32:8 ပူးပေါင်းရင်းမြစ်များ

Tegagia 41:38

Ka i'amba i Pirao motaeako ira pegawaino, ”Kita koa mpohaweke mia kanandio, asa mia anu bukeako Penaa-Do Ue Ala?”

Tegagia 41:39

Motae i Pirao ndi Yusupu, ”Hangano Dopauomo Ue Ala luwuno andio ndi omue, nahina maupo te'asa mia anu molino pinewowolono ka pande mosongka kana omue.

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 4:29

Ondae Ue Ala moweeakono i Salomo pande mompewowolo ka ponto'ori anu tedoa mantii saru pinewowolo anu malua kana one i wiwi ntahi.

1 Mokole 5:9

Luwuno ataku anu mpotiio inso i torukuno Libano hawe i tahi ka luwuno keu atuu aku mokogagi ira lanti kai pinolomo a ntahi, te'aro a mpo'ianga anu komiu tumisoakune. Luwuno atuu aku kumaleo i ra'ai ka ipinokowawa. Ka omiu asalakono umihiio po'eheku onaemo mompowee kaanga tiano ihino langkanaeku.”

Ayubi 12:13

Kahinaano ndi Ondaemo Ue Ala ponto'ori ka roso, Ondaemo anu hinao pontimbanga ka ponto'ori.

Ayubi 12:16

Ndi Ondaemo pabawa ka ponangia, Ondaemo anu pabawaio moiko mia anu pansia maupo mia anu mompokopansia.

Ayubi 27:3

ba da kongko penaaku ndi ongkue, ba da kongko penaa-Do Ue Ala a laro engeku,

Ayubi 33:16

I tempomo atuu Do'ungkahio birino mia ka mokomponde-ndeako ira luwuno pongkuahako,

Ayubi 33:4

Ongkue Dopokogagi akumo Penaa-Do Ue Ala ka penaa-Do Anu Tedoa Pabawa weweu aku tuwu.

Ayubi 35:11

anu moweeakita pompewowolo molino lumaloio kondehora i tolino, ka ponto'ori lumaloio manu-manu i laro meene?

Ayubi 38:36

Isema monaa ponto'ori a laro nseru ke isema moweeakono ponto'ori a mpebotono domu?

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Powadi 20:27

Penaano mia onaemo hulu-Do i Ue, anu mepenteeo luwuno laro aroa.

Puu Pontutulu 2:26

Hangano, a mia anu Dopekonoo Dopoweeakono ponto'ori ka mawongko, sine mia tehala Dotenao ka ipopumpu ka mohowu hapa-hapa anu lembuino asalakono iweeakono mia anu Dopekonoo Ue Ala. Ndio mbo'u nahina tuduno ka perokuhi mobuani angi.

Yesaya 28:26

Onae pinaguruomo mongkona anu lineleoako atuu, ka Ondae Ue Alano moweeakono pontiso.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

1 KORINTI 12:8

Hangano a mia anu aasa Ondae Penaa moweeakono pompowee ka ipepauako ponto'ori anu mentee, ka a mia anu susua Ondae Penaa anu mengkena moweeakono pompowee ka ipepauako ponto'ori mompewowolo.

2 TIMOTIU 3:16

Luwuno binuri anu inso a Mpenaa-Do Ue Ala lano mentudu a pompaguru, mokomengkaao saala, mokomoikoo pelelu ka paguruo mia a menteea.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.