Ayubi 32:13 - Wunta Mempori

¹³ Si mpotae: Mpohawe kamimo ponto'ori; butu Ondae Ue Ala anu mokonangio, komba mia.

Ayubi 32:13 ပူးပေါင်းရင်းမြစ်များ

Tegagia 14:23

Nahi aku mo'ala maupo hapa inso a luwuno arataamu atuu, asa bite bana ke maupo onggono sapatu naahi, kasi upotae: Kuweweuomo i Burama gagi kaea.

Ayubi 1:21

Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Ayubi 12:2

”Lano, omiumo mia atuudo, ka meronga omiu ponto'ori ta mate.

Ayubi 19:21

Impehohawa akumo, impehohawa akumo, hei luwuno sambe'eku, hangano i'alu akumo kae-Do Ue Ala.

Ayubi 19:6

to'oriomo nine Ondae Ue Ala moweweu Iramo nahi moleo ndi ongkue, ka metendeakono buani-Do ndi ongkue.

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Ayubi 31:40

ka po'ineeomo komba gandu anu tuwu, sine ewo rui, ka komba jelai, sine ewo lee.” Tompa i ndi'ai luwuno pauno i Ayubi.

Ayubi 32:12

Ndi omiumo kupomperorohi, sine menteeano, nahina maupo te'asa mia anu mohawe tondonino nine i Ayubi sala, nahina maupo te'asa mia i olomiu anu umewaio pinauno.

Ayubi 32:14

Pauno komba te'aro ndi ongkue, ka nahi aku sumangkiakono pinaumiu.

Ayubi 4:9

Ondae memate hangano penaa-Do Ue Ala, ka moliu hangano pepuurino enge-Do.

Ayubi 6:4

Hangano, ana mpana inso ndi Ondae Anu Tedoa Pabawa tepaho a ngkoroiku, ka rasuno i'osoo sumangaku; langkaino pabawa-Do Ue Ala tinena umewai aku.

Yesaya 48:5

onaemo ka Kupauakomu mompu'u i ndi'ipua, se'eluno mongkona atuu gagi mengkaa, Kupaleleo ndi omue ka si'upotae: Lahumoaku anu weweuo, tinaha pina'oku ka tinaha tinawaku anu parentao.

Yesaya 48:7

Dandiopo luwuakoano atuu ipinokogagi ka komba inso mompu'u i ndi'ipua, ka se'eluno nahi urongeo, ka si upotae: Lano kuto'oriomo!

Yesaya 5:21

Masola ntu'u mia anu tumuduo koroino pande mosongka, anu tumuduo koroino pande!

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yehesikieli 28:3

Menteeano ponto'orimu anu mentee lumaloio ponto'ori menteeno i Danieli; nahina rahasia anu tetutuwi ndi omue.

Sakaria 12:7

Ondae i Ue Ira moweeakono poponangia se'elu a luwuno kemado to Yehuda, kasi popelangkaino somborino i Daudi ka popelangkaido palilino Yerusale lumaloio Yehuda.

I YOHANE 19:11

Sumangki Ira i Yesu, ”Nahina maupo hapa pabawamiu ndi Ongkue, tewala pabawa atuu nahi iwineeako inso i wawono. Onaemo pu'uno: onae anu meweenga-Kune ndi omiu, langkaiopo halano.”

1 KORINTI 3:18

Ka si hina mia mopo'oo koroino onaeno. Tewala hinao i olomiu anu potaeno onae monto'ori montonda wawontolino andio, po'ineeomo ka igagi benge-benge, ka iponto'ori koa.

Puu Mpobitara 7:2

Mepau iramo i Ue ndi Gideo, ”Palili anu merongaakomu Kupehadioo lahi ba kupeweengako ira to Midia a ngkaedo. Kasi mansa to Isaraeli mpompelangka-langkai ndi Ongkue, ka dompotae: Kaeku ongkueku anu tumolosi aku.