Ayubi 27:2 - Wunta Mempori

² ”A nee-Do Ue Ala anu tuwu, anu nahi pompowee moleoa ka nee-Do Anu Tedoa Pabawa anu mokomasusao aroaku,

Ayubi 27:2 ပူးပေါင်းရင်းမြစ်များ

2 Samueli 2:27

Sumangki i Yoabi, ”A nee-Do Ue Ala anu tuwu, ande-andeno nahi upepau, asalakono sorodaduku nahi ira mpenaa-naa lumulu ira pepaekompodo hawe mo'oru.”

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

1 Mokole 18:15

Sumangki i Elia, ”A nee-Do Ueno luwuakoano anu tuwu, anu kupekakaako Ira, menteeano oleo mbo'u andio aku mopokitao koroiku ndi onae.”

2 Mokole 4:27

Sahaweno a ntorukuno atuu, i'inio moroso karuno tetenaa-Do Ue Ala atuu. I Gehasi merangkuhako mingki monsiao, sine tetenaa-Do Ue Ala atuu motae, ”Po'ineeomo hangano masusa aroano! Dowunio i Ue mongkona andio ndi ongkue ka nahi Dopauakune.”

Ayubi 10:3

Hapa ura-Miu moweweu pompokonsiia, tumadio hasilino wineweuno kae-Miu, ka mokorosoo tinoono mia mosa'o gauno?

Ayubi 16:11

Ondae Ue Ala meweengakune a mia melambaha, ka dumontai aku a ngkaedo mia mosa'o gaudo.

Ayubi 19:6

to'oriomo nine Ondae Ue Ala moweweu Iramo nahi moleo ndi ongkue, ka metendeakono buani-Do ndi ongkue.

Ayubi 23:16

Doweweuomo Ue Ala aroaku doito, Doweweu akumo Anu Tedoa Pabawa mondidi-ndidi.

Ayubi 34:5

Hangano i Ayubi motae: Ongkue mentee, sine Ondae Ue Ala umalao tiaku;

Ayubi 35:2

”Onaeke andio anu potaemu moleo ka anu nineemu: menteeku i aro-Do Ue Ala,

Ayubi 40:8

Tano iramo mperonga-ronga a laro pampawu, uko iramo a mpo'ianga anu tewuni.

Ayubi 9:17

Ondaemo anu rumawo-rawo aku a laro angi mokora, anu mokohadioo mobelaku montonda po'ehe-Do,

Ayubi 9:18

anu nahi po'inee aku menaa, sine mokomowohiakune mopa'ia.

Yesaya 40:27

Tembio ka upepau kanatuu, hei Yako, ka mepau kanandio, hei Isaraeli, ”Tuwuku tewuni inso ndi Ondae i Ue, ka tiaku nahi Doperioo Ue Alaku?”

Yeremia 12:16

Tewala mentee ntu'u dompepaguruakono sala ntumuwudo bawaa-Ku ka dompesumpa a nee-Ku, ’A nee-Do i Ue anu tuwu,’ kana'umpe domempaguru ira bawaa-Ku ka dompesumpa a neeno Baala, asalakono ira wali mewinangu i tonga-tongado bawaa-Ku.

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Podoaa 14:21

Butumo koa, hangano Ongkue anu tuwu ka hangano maramba-Do i Ue anu buke asa wawo ntolino,

Ruti 3:13

Po'iamo wongi andio i ndi'ai. Tisomo mo'oru, ba ineheno tumolosiko, po'ineomo onae montolosi. Sine ba nahi behe tumolosiko, ongkuemo anu tumolosiko, ia nee-Do i Ue anu tuwu. Pepombole ka poturimo i ndi'ai ranta tisomo mo'oru.”

1 Samueli 14:39

A nee-Do i Ue anu tuwu, anu kumadudui ira to Isaraeli, tewala hangano wineweuno i Yonata, maupo anaku asalakono hinuku mate.” Sine luwuno palili atuu nahina sumangkio.

1 Samueli 14:45

Sine palili mpotaeakono i Saulu, ”Nde i Yonata anu mowawa poponangi langkai i Isaraeli asalakono ta mate? Osi'i! A nee-Do i Ue anu tuwu, maupo te'asa tangke wuuno inso a uluno nahi ta tedonta a wita! Nde luwuno wineweuno oleo andio hangano pontulungi-Do i Ue Ala.” Kanandiomo i Yonata dompotolao palili, ka nahi gagi pinepate.

1 Samueli 20:21

Ka uto'oriokoa! Aku montena tetenaaku, ’Lakomo bini ira mata mpana atuu.’ Tewala kupotaeakono tetenaa atuu, ’Kitao mata mpana atuudo te'alaako i ndi'ai, alaomo!’ Ka aiwamo, hangano, a nee-Do i Ue anu tuwu, tekaduduiko ka nahina masolaa hapa-hapa.

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!

1 Samueli 25:34

Sine a nee-Do i Ue anu tuwu, Ue Alado Isaraeli anu umonto akumo moweweu anu mosa'o ndi omue, ande-andeno ba omue nahi uronga aiwa tepohaweakune, asalakono nahina maupo te'asa tama anu da tuwu ndi Naba hawe kai mewanta oleo.”