Ayubi 2:4 - Wunta Mempori

⁴ Sumangki i Mosa'o ndi Ondae i Ue, ”Kuli me'eu kuli! Mia ta meweengakono luwu anu pine'ueno euno penaano.

Ayubi 2:4 ပူးပေါင်းရင်းမြစ်များ

Tegagia 47:17

Ka do'amba mewawao pinotuwudo ndi Yusupu. I Yusupu moweeako ira kaanga gagi euno ngara, bawaano bembe bimba, bawaano sapi ka kalide. Ipatindaako ira kaanga gagi euno luwuno pinotuwudo a nta'u atuu.

Tegagia 47:19

Tembio omami asalakono memate i arono matamiu, moiko omami maupo witamami? I'oli kamimo ka witamami gagi euno kaanga, ka i'amba omami saru witamami ta gagi atano i Pirao. Ipoweekami inii ka kidamentuwu, ka si kimemate, ka wita atuu nahi tepo'ia.”

1 Mokole 20:31

Ka i'amba luwuno pegawaino mpotaeakono, ”To'oriomo, kimerongeomo nine luwuno mokoledo to Isaraeli atuu onaemo luwuno mokole anu popehohawa. Aiwamo topompokona sawu mpo'inombo a ntongato ka koloro a uluto kato mpeluarako nte'aro a mokoledo to Isaraeli; bara'ura nahi ira mepatekomiu.”

Ayubi 2:3

Pau-Do i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o. Onae metenunu mpiha a laro pompe'ala-alano, maupo u'olua-Kune umewaio ka imasola nahina pu'uno.”

Ayubi 2:5

Sine, Ipotiiomo kae-Miu ka ipokomahakio wuku ka ihino, manasa itotonaa Komiu i aro-Miu.”

Powadi 13:8

Kaeaa onaemo tolosino penaano asa mia, sine mia mongkokolaro nahi ta moronge pompokodoito.

Yeremia 41:8

Sine, i olodo hinao hopulu mia anu mpotae ndi Sumaila, ”Si pepate kami, hangano da hinao kaangamami tewuni i bungkuno kota: gandu, jelai, lana ka siu hoani!” Onaemo pu'uno nahi gagi domempinepate kana wali-walido.

I MATIU 16:26

Hapa tuduno asa mia ba ihaweo asa wawontolino sine tetadi penaano? Ka hapake anu polio ipeweengakono gagi euno penaano?

I MATIU 6:25

”Onaemo pu'uno ka Kupauakomiu: Siimo imesala-laroakono tuwumiu, ba hapa anu komiu mengkaano ke me'inuo, ka siimo imensala-laroakono mbo'u koroimiu, ba hapa ta pesangkamiu. Kombake tuwu atuu mentuduopo sekono kaanga ka koroi atuu mentuduopo sekono sangka?

I LUKASI 12:23

Hangano tuwua atuu laluaopo sekono kaanga ka koroi atuu laluaopo sekono sangka.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.