Ayubi 18:8 - Wunta Mempori

⁸ Hangano karuno onaeno tekaiakono a buani, ka onae melempa a wawo ulono pompete'umala.

Ayubi 18:8 ပူးပေါင်းရင်းမြစ်များ

Esetere 3:9

Tewala ipemoikoo mokole, ipoluarakomo wunta parenta ka domempinepate. Manasa atamiu ta mongkati salaka hopulu nsowu talenta ka meweengakono a kaedo luwuno mia anu hinao potorono, ka domewinsoo a mponaapa arataado mokole.”

Esetere 6:13

Ka itutuluo i Hamani ndi Seresi, kombiano, ka a luwuno sambe'eno hapa anu pinembasaino. Mpotae iramo mia mponto'ori ka pande mpompewowolo ka i Seresi, kombiano, ndi onae, ”I arono i Modekai mompu'ukomo tedonda. Tewala i Modekai atuu inuledo to Yahudi, manasa nahi kopolio umewaio, tendeano mentee ntu'u kotedonta i arono.”

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Esetere 7:5

Onaemo ka dopesikeno i mokole Ahasiwero ndi Esetere, mokole beine, ”Isemake mia atuu ka isuake onae anu aroano monaa tinoo ta moweweu kanatuu?”

Ayubi 18:9

Tundono ipokorakoo pompete'umala, ka onae te'ontoako oho.

Ayubi 19:6

to'oriomo nine Ondae Ue Ala moweweu Iramo nahi moleo ndi ongkue, ka metendeakono buani-Do ndi ongkue.

Ayubi 22:10

Onaemo pu'uno ka ilimbuko pompete'umala, ka mongkokongiria mepobingko modengkeko.

Ayubi 5:5

Hapa anu sinowino, pingko domengkaano mia anu mokoninggo, tendeano rinontu inso a ntonga-tongano rui, ka luwuno mia mokoranga memosisiriakono pompolino.

Po'unde-unde 35:8

Po'ineeomo matea humaweo nahi kinoo-koo, oho anu tina'ono, po'ineeomo onaeno irakoo, po'ineeomo ka itedonta ka ropu!

Po'unde-unde 9:15

ka kupopauo luwuno wineweu-Miu anu inunde-unde ka meboo-booli hangano tekaduduia inso ndi Omiu a mpewowa langkaino ana beine Sioni.

Powadi 29:6

Mia anu moweweu mosa'o te'ohoako polimpa'ino, sine mia mentee ta kumora ka mo'unde.

Powadi 5:22

Mia mosa'o gauno kona rako a laro wineweuno mosa'o, ka kona oho a laro ngkoloro halano onaeno.

Yesaya 24:17

Doitoa, kineke pompete'umalaa ka oho, sumikoriko, hei palilino tolino!

Yesaya 24:18

Ka anu molai hangano uni anu mongkokodoito ta tedonta a laro kineke, ka anu mewuatako inso a laro kineke ta kona oho. Hangano pentangoa i langi ira nte'ungkahi ka empehino tolino ta melelu.

Yehesikieli 32:3

Kanandiomo pau-Do Ue Ala: Aku tuma'oo buani-Ku rumakoakomu tepumpuno hadio tongku, ka tumandeko a laro buani-Ku.

1 TIMOTIU 3:7

Onae ka imoiko koa mbo'u neeno i bungkuno bawaa, ka si domentatao mia ka itedonta a ohono i Mosa'o.

1 TIMOTIU 6:9

Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

2 TIMOTIU 2:26

ka ba kanandio gagi ira wali ntelike aroado, hangano mentola inso a ohono i Mosa'o anu umonggo ira a mpo'eheno.