Ayubi 18:21 - Wunta Mempori

²¹ Mentee ntu'u, kanatuumo po'iangano mia anu molengku, kanatuumo po'iangano mia anu nahi to'ori Ira Ue Ala.”

Ayubi 18:21 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Ayubi 19:1

Ka i'amba sumangki i Ayubi,

Ayubi 20:29

Onaemo pohuku-Do Ue Ala a mia anu mosa'o gauno, tia pusaka anu dinandi-Do Ue Ala ndi onae.”

Ayubi 21:14

Sine dompotae ndi Ondae Ue Ala: Olaimo inso ndi omami! Nahi kimebehe mento'ori ira pesalaa-Miu.

Ayubi 21:28

Impotae: Isua rahano anu pabawa? Isua kema po'iangado mia mosa'o gaudo?

Ayubi 4:21

Komba binutake kemado? Ondae mbo'u memate nahina ponto'ori.

Po'unde-unde 79:6

I'uwuomo tekuda-Miu a wawo luwuno tongku anu nahi to'ori Komiu, a wawo luwuno poparentaa anu nahi pebooliakono nee-Miu;

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Yeremia 10:25

Ipotiiomo tekuda-Miu a luwuno tongku anu nahi to'ori Komiu, a luwuno pe'etu anu nahi dompebooliako nee-Miu, hangano domengkaanomo i Yako, mengkaano ka mepingkoo; po'iangano domeweweuo gagi terawo-rawo.

Yeremia 9:3

Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

1 TESALONIKA 4:5

komba a mpo'eheno koroi, kana wineweudo mia anu nahi domento'ori Ira Ue Ala,

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

Puu Mpobitara 2:10

Mansano luwuno inuledo atuu mempinumpu a ue mpu'udo, mehina iramo mbo'u inuledo anu susua, anu nahi domento'ori Ira i Ue, ke ba anu wineweu-Do a nto Isaraeli.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,