Ayubi 18:19 - Wunta Mempori

¹⁹ Onae nahi ta hina ana ke ana'ue ka ana'ue ntukono i olono tongkuno, ka nahina maupo te'asa mia anu kongko tuwu a mpo'iangano.

Ayubi 18:19 ပူးပေါင်းရင်းမြစ်များ

Ayubi 1:19

Borono mepuuri opue inso i asambalino pada one ka i aluo raha atuu a opaa siuno. Raha atuu tebangku dumunsi ira mia mongura atuudo, ranta ka domemate. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 20:21

Nahina anu tola inso a ngkinaano, onaemo pu'uno urano nahi ta mo'ia mpiha.

Ayubi 8:4

Tewala anamu mpoweweu iramo hala ndi Ondae, asalakono Dopo'inee iramo ipabawai ira salado.

Po'unde-unde 109:13

Po'ineeomo ka ipinokotampula inuleno, ka ipinahihi neeno a inule asa api lembuino.

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Yesaya 14:20

Omue nahi komohawe pekaburua kana teweweudo mokole atuudo, hangano urawo-rawoomo witamu ka mepate ira palilimu. Po'ineeomo ana'uedo mia anu mpoweweu mosa'o nahi pinopau ranta nahina tampulaano.

Yeremia 22:30

Kanandiomo pau-Do i Ue, ”Buriomo mia andio gagi mia anu nahina anano, gagi tama anu nahi hori mehasili a laro ntumuwuno; hangano maupo te'asa mia inso a inuleno nahi ta mokompentoro a wawo ngkadera poparentaano i Daudi ka wali mokopoparenta i Yehuda.”