Ayubi 12:10 - Wunta Mempori

¹⁰ nine a ngkae-Do ipo'ia penaano luwuno anu tuwu ka penaano sompo mia?

Ayubi 12:10 ပူးပေါင်းရင်းမြစ်များ

Tegagia 2:7

Ka Do'amba Ue Ala weweuo mia inso a awu wita, ka mompuuriakono penaa tuwua a laro engeno. Kanatuumo mia atuu gagi anu tuwu.

Tegagia 6:17

Menteeano Aku mompotii lolowi sumampuo tolino mokotampulao luwuno anu tuwu, anu hinao penaano i totono langi; luwuno anu kongko i tolino ta mate.

Ayubi 27:3

ba da kongko penaaku ndi ongkue, ba da kongko penaa-Do Ue Ala a laro engeku,

Ayubi 27:8

Hangano, hapake pomperorohiano mia umewa, tewala Dopokotampulao Ue Ala, tewala Do'alao penaano?

Ayubi 33:4

Ongkue Dopokogagi akumo Penaa-Do Ue Ala ka penaa-Do Anu Tedoa Pabawa weweu aku tuwu.

Po'unde-unde 104:29

Tewala Iwunio rupa-Miu, ondae ntededengke; tewala I'alao penaado, ondae memate ka mpekule gagi pampawu.

Po'unde-unde 104:30

Tewala Itenao penaa-Miu, megagi ira, ka Ipokowo'ohuo wawontolino.

Puu Pontutulu 9:1

Menteeano, luwuno andio kupekokoongakonomo, luwuno andio kuparesaomo: mia mentee ka mia monto'ori saru luwuno wineweudo kongko a ngkae-Do Ue Ala, moiko pompehohawa ke maupo mbo'u po'o'aliako; mia nahi to'orio maupo hapa anu sumikorio.

Yesaya 42:5

Kanandiomo pau-Do Ue Ala, Ue, anu mokogagio langi ka wileo, anu tumalesakono tolino saru luwuno anu tuwu i wawono, anu moweeakono penaa a mia anu mo'iangario ka penaa ndi ondae anu mentuwu i wawono:

Yesaya 57:16

Mentee ntu'u, komba ranta nahina tampulaano Aku teposangki, ka komba Aku tekuda mpiha, ka si molema rosodo i aro-Ku; Ongkuemo anu weweuo penaa tuwua

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

I YOHANE 3:6

Hapa anu pine'anaako inso a koroi onaemo koroi, ka hapa anu pine'anaako inso a Mpenaa, onaemo Penaa.

WINEWEUDO TINENA 17:25

ka mbo'u nahi pinekakaako inso a ngkaeno mia, kana hinao kinere-Do, hangano Ondaemo anu mompowee tuwua ka penaa ka luwuakoano a luwuno mia.

WINEWEUDO TINENA 17:28

Hangano i laro-Do tomentuwu, tompelelu, tomekongko kana koa mbo'u anu pinaudo puu mpowadimiu: Hangano ontae andio inso a inule-Do koa mbo'u Ue Ala.