Ayubi 11:7 - Wunta Mempori

⁷ Upokonto'ori Ira koake Ondae Ue Ala a menteeano ntu'u, me'ihilaroo langkaino pabawa-Do?

Ayubi 11:7 ပူးပေါင်းရင်းမြစ်များ

Ayubi 22:12

Kombake Ondae Ue Ala i langi anu mantande? Kita iramo anano wula anu lalu mantande, mantande ntu'u!

Ayubi 26:14

Menteeano, luwuno atuu butu tompano sala-Do; me'ara-arai ntu'u metanga anu rinongeto inso ndi Ondae! Isema mokonto'orio runduno pabawa-Do?”

Ayubi 27:11

Aku paguruakomiu mongkona kae-Do Ue Ala, tinoo-Do Anu Tedoa Pabawa nahi aku wunio.

Ayubi 33:12

Menteeano, a laro mongkona atuu omue nahi mentee, kanatuumo ku'ewaio paumu, hangano Ondae Ue Ala atuu lumaloio mia.

Ayubi 33:13

Tembio ka utuntu Ira, nine nahi Dosangkio luwuno pauno mia?

Ayubi 35:5

Pentombumo i langi ka kitaomo, pekokoongakonomo seru anu mantande irapo sekono omue!

Ayubi 36:26

Menteeano, Ondae Ue Ala atuu langkai pabawa-Do, nahi tompokohawe laroo, porokono ta'u-Do nahina mokoparesao.

Ayubi 37:23

Anu Tedoa Pabawa, anu nahi topokonto'ori Ira, langkai pabawa ka moleo-Do; maupo mompoliako menteea nahi Dopompokonsii.

Ayubi 37:5

Ondae Ue Ala merunduako suara-Do anu tinengiriako; Ondae moweweu luwuno wineweu langkai anu nahi tompokonto'orio;

Ayubi 42:3

Omiu mesikeno, ’Isemake onae anu tumutuwio pomputusi nahina ponto'ori?’ Onaemo pu'uno, nahina ponto'ori kutumutuluomo mongkona luwuakoano anu tedoa kukohali-haliakono ka anu nahi kuto'orio.

Ayubi 5:9

Ondae weweuo luwuno wineweu langkai ka nahi pinokohawe laro, saru luwuno anu kinohali-haliako anu nahi pinokopau hadiono.

Po'unde-unde 139:6

Tedoa kukohali-haliakono ponto'ori atuu, mantande lahi, nahi kupolio humaweo.

Po'unde-unde 145:3

Langkai pabawa-Miu ka tedoa inunde-unde, ka langkaino pabawa-Do nahi pinokohawe laro.

Po'unde-unde 77:19

Memuuno rundu-Miu mebanumbu, koliki wantahio tolino, tolino mondidi-ndidi ka leelu.

Powadi 30:4

Isemake anu mewuatako i suruga ka i'amba metii? Isemake anu pumpuomo angi a laro kungkuno? Isemake anu montongoomo uwoi a nsawu? Isemake anu pakosiomo luwuno tompano tolino? Isema neeno ka isema neeno anano? Omiu manasa tumo'orio!

Puu Pontutulu 3:11

Luwuakoano Doweweuo tekosi ia tempono, tendeano Dopoweeako ira anu nahi bali a laro aroado. Sine, mia nahi pokohawe laroo anggaa anu wineweu-Do Ue Ala inso a pompu'uano hawe pokotompaano.

Puu Pontutulu 7:24

Hapa anu hina, atuu olai ka tedoa ondalo, isema anu mokohaweo?

Yesaya 40:28

Nahi uto'orioke, ka nahi urongeoke? Ondae i Ue atuu Ue Ala nahina tampulaa-Do anu mokogagio tolino inso i tompano hawe i tompano; Ondae nahi Domokendo ka nahi Domolema, nahi pinokonto'ori pompewowolo-Do.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

1 KORINTI 2:10

Hangano ndi ontae Dopokomengkaaomo Ue Ala hangano Penaa, hangano Penaa mepenteeo luwuakoano, maupo mongkona anu tewuni mongkona Ondae Ue Ala.

1 KORINTI 2:16

Hangano, ”isemake tumo'orio pinewowolo-Do i Ue, ranta ka ipokopompauako Ira?” Sine omami hinao pinewowolo-Do i Kerisituu.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,