Ayubi 11:14 - Wunta Mempori

¹⁴ tewala upoko'olaio wineweu mosa'o a ngkaemu, ka nahi upo'ineeo wineweu molengku mo'ia a laro ngkemamu,

Ayubi 11:14 ပူးပေါင်းရင်းမြစ်များ

Tegagia 4:7

Komba ta moleoke rupamu, tewala moweweuko anu moiko? Sine tewala nahi moiko wineweumu, hala padasoomo i arono pewowa. Po'eheno aroano te'aro ndi omue, sine asalakono ka upabawaio.”

2 Mokole 17:13

Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

Ayubi 22:23

Tewala tepidiko ndi Ondae Anu Tedoa Pabawa ka me'urumako; tewala upoko'olaio molengkua inso a ngkemamu,

Ayubi 22:5

Kombake langkai wineweumu anu mosa'o ka sala mpelelumu nahina pokotompaano?

Ayubi 34:32

hapa anu nahi kupokonto'orio, paguruakunemo; tewala moweweu akumo molengku, nahi aku weweuo mbo'u.

Ayubi 4:7

Penootiomo andio: isemake anu mate nahina salano ka isuake domempinepate mia anu moleo?

Ayubi 8:6

tewala moleoko ka mepau mentee, manasa Ira mentade hangano omue ka Ira wali mokomoikoo raha anu lano tiamu.

Po'unde-unde 101:2

Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Yesaya 1:15

Tempono imentineo kaemiu, Aku wolilio rupa-Ku tendeano maupo temararu impekakai, nahi Aku merorongeakono, hangano kaemiu bukeako rea.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”