Ayubi 1:5 - Wunta Mempori

⁵ Sompo umarino oleo pogawea, i Ayubi moboi ira ka mokomempori ira. Tisomono mo'oru, i Ayubi mewangu ka mompesombaako pesomba tinunu menunu saru hadiodo, hangano ipewowoloo, ”Bara'ura anaku mpoweweu iramo hala ka domentotonaa Iramo Ue Ala i laro aroado.” Kanandiomo iwela weweuo i Ayubi.

Ayubi 1:5 ပူးပေါင်းရင်းမြစ်များ

Tegagia 22:3

Tisomono mo'oru i Burahima mewangu, lumampio kalideno ka ipoboio orua ira atano saru i Saki, anano. Ibansio mbo'u keu pontunu pesomba tinunu, ka i'amba melungka lumako a mpo'ianga anu Dopauakono Ue Ala.

Tegagia 6:5

Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena.

Tegagia 8:20

Ka i'amba i Noho mowangu meda pontunua pesomba ndi Ondae i Ue. I'alao ba opia kondehora inso a luwuno pinotuwu anu nahina tataano, ka inso mbo'u a luwuno manu-manu anu nahina tataano ka ipesombaakono pesomba tinunu a wawo meda pontunua pesomba atuu.

1 Mokole 18:31

I Elia mo'ala hopulu ka orua watu montonda hadiono suku inuleno i Yako, anu ndi onae haweomo pau-Do i Ue: ”Omue konineeako i Isaraeli.”

1 Mokole 21:10

Impontena mbo'u orua mia lambaha mentoro umaropio, ka ondae asalakono gagi sakosii umewaio saru motae: Utotonaa Ira i Ue Ala ka ondae mokole. Umarino atuu imewawao ibungkuno ka imewunoakono watu ranta kai mate.”

1 Mokole 21:13

Ka i'amba orua mia lambaha atuu hawe ka dopentoro tepo'aroakono i Nabo. Mia lambaha atuudo gagi sakosii umewaio i Nabo i arodo palili, dopotae, ”Itotonaa Iramo i Nabo Ondae i Ue Ala ka ondae mokole.” Umarino atuu, domewawao i bungkuno kota ka do'amba mewunoakono watu ranta kai mate.

Nehemia 12:30

Luwuno sando mpesomba ka luwuno to Lewi mpokomemporio koroido ka do'amba mpokomempori ira luwuno bawaa, luwuno pewowa langkai ka bente.

Ayubi 1:11

Sine, Ipotiiomo kae-Miu ka rumopuo luwuno anu pine'ueno. Manasa itotonaa Komiu i aro-Miu.”

Ayubi 1:4

Luwuno anano anu tama wela ira mpe'eu-eu mpoweweu gawe i rahado asa mia ka asa mia ka otolu ira pepaekompodo beine me'inolu mpongkaa ka mpo'inu meronga ondae.

Ayubi 2:9

Kombiano motaeakono, ”Da ta kongko mpihake morosono pompe'ala-alamu? Totonaa Iramo Ue Ala ka matemo!”

Ayubi 27:10

Polioke onae mesana-sanaa hangano Anu Tedoa Pabawa ka mebooli ndi Ondae Ue Ala sompo tempo?

Ayubi 41:25

Luwuno anu ondau doito ndi onae; onaemo mokole a luwuno kondehora lambaha.”

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Ayubi 6:14

Isema umontoo pompehohawa a mpe'asa miano, nahi doitoako Ira Anu Tedoa Pabawa.

Ayubi 8:4

Tewala anamu mpoweweu iramo hala ndi Ondae, asalakono Dopo'inee iramo ipabawai ira salado.

Po'unde-unde 5:3

Irongeomo peraaliku mepetulungi, oo Mokoleku ka Ue Alaku, hangano ndi Omiumo kupekakai.

Peluarakoa 18:12

Umarino atuu i Yitiro, ponino i Musa, mompesombaako pesomba tinunu ka ba opia pesomba sinumbele ndi Ondae Ue Ala. I Haruni ka luwuno mia memota'u Isaraeli me'aiwa mpongkaa mperonga-ronga saru ponino i Musa i aro-Do Ue Ala.

Peluarakoa 19:10

Mepau Ira i Ue ndi Musa, ”Lakomo tepohaweako ira tongku atuu; pokomempori iramo oleo andio ka tisomo; asalakono domelomboo sangkado.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

Puu Pontutulu 9:10

Hapamo koa anu pinoko'anggano kaemu, anggaomo tompaano rosomu. Hangano, nahina anggaa, pontimbanga, ponto'ori ka monto'ori a ntolinodo mia mate, ba isua ta lakoamu.

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Yehesikieli 14:14

ka maupo i tonga-tongano kongko i Noho, i Danieli, ka i Ayubi, otolu mia andio, ira mengkaduduio butu penaado ondaedo hangano menteedo, kanandiomo pau-Do Ue Ala.

I LUKASI 1:75

a laro memporia ka menteea i aro-Do asa ntinuwuto.

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I YOHANE 11:55

I tempo atuu oleo langkai Pasado to Yahudi rangkuomo ka hadio mia inso i wita atuu mpelungka melako i Yerusale mpokomemporio koroido se'eluno napi haweako Pasa atuu.

WINEWEUDO TINENA 21:26

A oleo tudano iwawa ira i Paulu mia atuudo ka ipokomemporio koroino meronga saru ondae, ka i'amba mewinso a Raha-Do Ue Ala ka ipauo, ke te'ipia pompokomemporia ta umari ka pesombano asa mia ka asa mia ta pinesombaako.

WINEWEUDO TINENA 8:22

Gagi tepidimo inso a mpoweweumu anu mosa'o andio ka pekakaimo ndi Ondae i Ue, ka Do'ampuniakomu tinoono aroamu andio;

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 11:2

Hangano kumosiriakomiu mosiri-Do i Ue. Hangano kupoposamborakomiumo a asa tama ka iwawa komiu kana ana beine moondo mempori ndi Ondae i Kerisituu.

EPESU 6:18

a luwuno pekakai ka po'ema. Impekakaimo sompo tempo a Mpenaa ka impetangkoromo a laro mpekakaimiu atuu saru nahi otu-otu impo'emaako ira luwuno mia mempori,

1 Samueli 16:5

Isangki ira, ”Humbee, mentee! Aku aiwa mompesombaako pesomba ndi Ondae i Ue. Impokomemporio koroimiu ka ime'aiwa a mpoweweua gau mpesomba saru ongkue.” Ka i'amba mokomemporio i Isai saru luwuno anano anu tama ka i'olu ira a mpoweweua gau mpesomba.