Ayubi 1:21 - Wunta Mempori

²¹ Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Ayubi 1:21 ပူးပေါင်းရင်းမြစ်များ

Tegagia 3:19

saru te'iti ko'isomu mo'ungke kaangamu, ranta ka upekule gagi wita, hangano inso i ra'ai u'inala. Hangano omue awu wita, komekule gagi awu wita.”

Tegagia 30:2

Tesingkaomo tekudano i Yako ndi Raheli, ka ipotae, ”Nde ongkue andioke Ue Ala, anu umonsoiko mentia.”

Tegagia 45:5

Kanandio-andio, siimo imemasusa aroa ka siimo impe'o'oleakono, hangano ime'asa aku i ndi'ai. Tendeano ka itekaduduimo tumuwu Ondae Ue Ala tumena aku mese'elungi komiu.

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

1 Mokole 12:15

Gagi, ondae mokole nahi perorongeako ira palili, hangano atuu lano tepu'u inso ndi Ondae i Ue, ka ite'ihii pau-Do anu pinohawe-Do molalo ndi Ahia, to Silo ndi Yerobea anano i Nebati.

2 Mokole 20:19

Sumangki i Hisikia ndi Yesaya, ”Moiko ntu'u pau-Do i Ue anu pinaumu atuu!” Sine pinewowolono, ”Poolo ka ihina manangai ka rodoa asa ntinuwuku!”

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Ayubi 1:11

Sine, Ipotiiomo kae-Miu ka rumopuo luwuno anu pine'ueno. Manasa itotonaa Komiu i aro-Miu.”

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Ayubi 9:12

Tewala Ondae morontu, isema ta umonsoi Ira? Isema ta kumuahako Ira: Hapa wineweu-Miu?

Po'unde-unde 34:1

Inso ndi Daudi, i tempono onae mo'onde-onde nahi molino pinewowolono i arono i Abimele, onaemo ka isinaari, ka i'amba lumako.

Po'unde-unde 34:2

Aku umunde-unde Ira i Ue a luwuno tempo; po'unde-unde ndi Ondae kongko mpiha a laro ngangaku.

Po'unde-unde 39:9

Ipotola akumo inso a luwuno polimpa'iku, si pokogagi aku tetewehiano mia monge-monge!

Po'unde-unde 49:17

Siimo doito, tewala asa mia gagi kaea, tewala marambano somborino tetiangi,

Puu Pontutulu 12:7

ka pampawu mekule gagi wita kana se'eluno ka penaa tuwu mekule ndi Ondae Ue Ala anu mewengakono.

Puu Pontutulu 5:14

Kana'umpe ipeluarako inso a mpe'anakaano ineno, kanatuu koa mbo'u ba ilako, kolambe-lambe kana tempono ihawe. Nahina ipohawe maupo hapamo koa inso a mpine'iseino anu pinokowawano kaeno.

Puu Pontutulu 5:15

Ndio mbo'u urasa'o anu mompokomasusa. Kana'umpe ihawe, kanatuu koa mbo'u ba ilako. Ka i'amba hapake urano mia atuu anu me'i'iseiomo mobuani angi?

Puu Pontutulu 5:19

Menteeano nahi mararu irambeo tinuwuno, hangano Dopo'ineeo Ue Ala ka imarepaako sanaano aroano.

Yesaya 24:15

”Onaemo pu'uno, pelangkai Iramo i Ue a luwuno wita i sabaano oleo, nee-Do i Ue, Ue Alado to Isaraeli, a luwuno wita i wiwi ntahi!”

Yesaya 42:24

Isemake anu meweengakono i Yako ka irinontu, ka i Isaraeli a anu mompomuru? Kombake Ondae i Ue isa'a? Hangano, mentehala kitamo ndi Ondae. Ondae nahi domebehe mentondao sala-Do, ka pompaguru-Do nahi dobehe merongeo.

Yesaya 45:7

anu mokogagio mewine ka mokogagio wongi-wongi, anu mokogagio sintuwu manangai ka mokogagio masolaa; Ongkuemo Ue anu weweuo luwuno andio.

Ponsabangi 3:38

Kombake inso a nganga-Do Anu Tedoa Mantande meluarako hapa anu mosa'o ka anu moiko?

Amosi 3:6

Tewala pinuuri tawuwua i asa kota, nahi dompondidi-ndidi ke palilino? Tewala gagi urasa'o i asa kota, kombake Ondae i Ue anu weweuo?

I MATIU 20:15

Nde nahi moikoke kupakeo arataaku montonda po'eheono aroaku? nde mosa'omuke hangano pe'aroaku?

WINEWEUDO TINENA 4:28

ka weweuo luwuakoano anu se'eluomo Ipakonsiakono pabawa ka po'ehe-Miu.

EPESU 5:20

Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

1 TIMOTIU 6:7

Hangano nahi tompowawa hapa-hapa i wawontolino ka nahi tompokompowawa mbo'u hapa-hapa mpeluarako.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

Ruti 1:21

Anu ka kulako buke kaeku, sine ka Dopokule aku i Ue mooa kaeku. Tembio ka komiu mpoboi aku i Naomi, hangano Ondae i Ue anu sakosii umaropi aku, ka Ondae anu pabawa mowee aku urasa'o.”

1 Samueli 2:7

Ondae i Ue weweuo mia gagi mongkokolaro ka gagi kaea. Ondae mompotii ka Ondae koa mbo'u mowuatako.

1 Samueli 2:8

Dopokoroso ira mia molema inso a ntebobarasaiado, ka Dotande ira mia mongkokolaro inso a marasaiado, ka Dompontoro ira saru luwuno ulea mokole, ka mpohawe ira pentoroa anu pinelangkai. Nde Ondae i Ue pu'uno wawontolino, i wawono Donaao wawo wita.

1 Samueli 3:18

Ka i'amba i Semueli pauakono, nahina maupo hapa anu winunino. Ipotae i Eli, ”Ondaemo i Ue, po'ineeomo Doweweuo hapa anu moiko a pongkita-Do.”