Ayubi 1:16 - Wunta Mempori

¹⁶ Kontongaano mepau mia atuu, hawe mia susua ka ipotae, ”Mesilawiomo api inso i langi ka pingko itunuo bawaano bembe bimba ka luwuno puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Ayubi 1:16 ပူးပေါင်းရင်းမြစ်များ

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

1 Mokole 18:38

Ka i'amba metiiomo api-Do i Ue kumaano pesombaa tinunu, keu, watu ka wita atuu, sekonopo uwoi a pangkoro pingko isile'io.

2 Mokole 1:10

Sumangki i Elia a mpetewawa sorodadu atuu, ”Tewala ongkue tetenaa-Do Ue Ala, po'ineeomo kai petii api inso i langi kai pingko ikaako saru lima pulu ana buamu.” Ka i'amba metiiomo api inso i langi kai pingko ikaano onae saru lima pulu ana buano.

2 Mokole 1:12

Sine sumangki i Elia ndi onae, ”Tewala ongkue tetenaa-Do Ue Ala, Po'ineeomo kai petii api inso i langi kai pingko ikaako saru lima pulu ana buamu.” Onaemo kai petii api-Do Ue Ala inso i langi kai pingko ikaano onae saru lima pulu ana buano.

2 Mokole 1:14

Kombake metiiomo api inso i langi kumaano orua petewawa sorodadu anu tese'elu pingko saru lima pulu ana buado? Sine kanandio-andio po'ineeomo penaaku mentudu a pongkitaamiu.”

Po'unde-unde 45:3

Omue anu tedoa montama i olodo luwuno anano mia, pe'aroa te'uwu a wiwimu, onaemo pu'uno Doronsokomo Ue Ala ranta nahina tampulaano.

Peluarakoa 9:28

Pekakaimo ndi Ondae i Ue! Sompoomo kupompemarasai hangano ruundu ka usa uwoi watu anu tedoa marombo andio. Akumo mo'ineekomiu ka imelako, siimo imempo'ia tehine mbo'u.”

Imama 10:2

Onaemo kai peluarako api inso i aro-Do i Ue tumunu orua ira, ranta ka domate i aro-Do i Ue.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Amosi 7:4

Ndiomo anu pinopokita-Do Ue Ala ndi ongkue: Tengkita Iramo Ue Ala moboio api ta pohuku. Api atuu kumaano uwoi piingko a ondaloano ntu'u ka ta piingko ikaano wita lere.

MENGKAAA 13:13

Ka ipokohina ira petondoni anu mongkokongiri, maupo api ipotiio i tolino inso i langi i arono matado luwuno mia.

1 Samueli 14:15

Ka mpondende iramo a mpekemaa, a mpeteaa, ka ia olodo luwuno palili. Puu mpetea mpodagai ka puu mpetea mporopu, mpondende ira koa mbo'u. Wawontolino mbo'u mondende. Gagiomo pondendea anu mongkokongiri.