Amosi 9:9 - Wunta Mempori

⁹ ”Hangano menteeano, Kuparenta ira, ka Aku dumuku ira tongku Isaraeli i olono luwuno tongku, kana mia montirisaako pontirisa, ka nahina maupo te'asa one anu tedonta a wita.

Amosi 9:9 ပူးပေါင်းရင်းမြစ်များ

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 28:28

Nde sinesake gandu ranta ka imotutu? Manasa naahi, komba domewombakio mpiha mia ranta ka imotutu! Maupo dompolempao mia i wawono gandu atuu bolano roda saru ngarano, nahi ira megilio mia ranta ka imotutu.

Yesaya 30:28

pepuurino penaa-Do kana korono anu mompolomo, anu uwoino hawe a we'u. Ondae aiwa Ira montirisaako pontirisa matea a luwuno tongku ka mompokona koloro sama anu mompokotesosaelo a asedo luwuno suku tongku.

Yeremia 31:36

”Menteeano, kana luwuno pompakosi andio nahi ta melimba inso i aro-Ku, kanandiomo pau-Do i Ue, kanatuumo mbo'u inuleno i Isaraeli nahi ta menaa-naa gagi tongku i aro-Ku asa ntinuwu.

Yeremia 46:28

Omue siimo doito, hei tetenaa-Ku Yako, kanandiomo pau-Do i Ue, hangano Ongkue kumongkomiko: Aku pingko ira luwuno tongku anu i tonga-tongano omue Kusiarawoko, sine omue nahi Aku mokopingkoko. Aku tumunduhiko montonda songka, Nahi Aku mo'ineeko tola kanatuumo koa.”

Yeremia 49:36

Aku mompotiiakono Elami opaa angi inso a opaa siuno langi ka sumiarawo ira a luwuno mata angi andio, ranta nahina tongku anu nahi domehaweio mia anu ntesiarawo inso i Elami.

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

Yehesikieli 36:19

Aku sumiarawo ira i olodo luwuno tongku, ranta ka dontesiarawo i luwuno wita. Aku bitara ira menunu saru pelelu ka poweweudo.

Yehesikieli 39:28

ira mento'orio nine Ongkuemo Ue, Ue Alado, anu wawa ira a laro pontadia i tongado luwuno tongku ka wali pumpu ira i witado ka nahi Kupo'ineeo maupo te'asa mia inso ndi ondae mo'ia i ra'ai.

Yehesikieli 5:10

Onaemo pu'uno, i olomiu ama ta kumaano anano ka ana ta kumaano amano. Aku modontaiakomu pohuku ka sumiarawoo luwuno anu tebinta inso ndi omue a luwuno siuno angi.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

I LUKASI 22:31

Simo, Simo, kitao, i Mosa'o mo'emaomo ta dumuku komiu kana gandu,

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.