Amosi 9:8 - Wunta Mempori

⁸ Menteeano, mata-Do Ue Ala te'aro a poparentaa anu tehala andio: Aku mokoropuo inso i wawontolino; Sine nahi Aku rumopuo inuleno i Yako ranta ka ipingko,” kanandiomo pau-Do i Ue.

Amosi 9:8 ပူးပေါင်းရင်းမြစ်များ

Tegagia 6:7

Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.”

Tegagia 7:4

Hangano opitu oleopo mbo'u, Aku mompotii usa i wawontolino i larono pato pulu oleo pato pulu wongi, ka Aku mokotampulao inso i wawontolino luwuno anu tuwu, anu pinokogagi-Ku atuu.”

1 Mokole 13:34

Mongkona atuu gagi halado somborino i Yerobea, ranta ka domerinopu inso i wawontolino.

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Powadi 5:21

Hangano luwuno pesalaano mia te'ungkahi i arono pongkita-Do i Ue, ka luwuno pelempano mia Dodagaio.

Yeremia 30:11

Hangano ongkue kumongkomiko, kanandiomo pau-Do i Ue, ka kumaduduiko: luwuno tongku anu i olodo Kupeweengakomu Aku pingko ira, sine omue andio nahi Aku pingkoko. Aku humukuko montonda songka, sine omue komba Kukitako nahina ntu'u salamu.

Yeremia 44:27

Menteeano Ongkue mepatinda mompotii masolaa ndi ondae ka komba moikoado. Sompo to Yehuda anu kongko i wita Masiri ta piningkoako ponai ka mokoninggoa hawe ka domeropu.

Yeremia 46:28

Omue siimo doito, hei tetenaa-Ku Yako, kanandiomo pau-Do i Ue, hangano Ongkue kumongkomiko: Aku pingko ira luwuno tongku anu i tonga-tongano omue Kusiarawoko, sine omue nahi Aku mokopingkoko. Aku tumunduhiko montonda songka, Nahi Aku mo'ineeko tola kanatuumo koa.”

Yeremia 5:10

Pewuatakomo a lere anggorono anu mpo'ensa-ensa, solangiomo, sine si pokopingkoo luwu. Tadi iramo sampano keu anggorono, hangano luwuno atuu komba keu anggoro-Do i Ue!

Hosea 1:4

Ka Do'amba i Ue mepau ndi Hosea, ”Poponeeakonomo i Yisire'eli nana'ote atuu, nde nahi tehine mbo'u Aku humukuo somborino i Yehu hangano po'uwua rea i Yisire'eli ka Aku tumompaakono poparentano suku Isaraeli.

Hosea 1:6

Ka i'amba beine atuu mentia mbo'u ka me'anaako asa ana beine. Mepau Iramo i Ue ndi Hosea, ”Poponeeakonomo i Lo-Ruhama nana'ote atuu, hangano nahi Aku mehohawao mbo'u suku Isaraeli, ka nahi Aku umoniniako ira ntu'u halado.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Amosi 3:12

Kanandiomo pau-Do i Ue, ”Kana puu mpopakambi mompotola inso a ngangano singa orua tangkelari ke lewe biri, kanatuumo to Isaraeli anu mpo'ia i Samaria ira mempinotola butu kana tompano poturia ke asa mpole karuno dasa.”

Amosi 7:17

Onaemo pu'uno, kanandiomo pau-Do i Ue: Beinemu ta mebelesu i kota, ka luwuno anamu tama ka beine ira memateako ponai; witamu ta tinia-tiaako koloro posongka. Omue komate i wita anu mokoburu, ka to Isaraeli manasa ira melako inso i witado gagi mia tinadi.”

Amosi 9:10

Hangano ponai, ira memate luwuno mia tehala i olono bawaa-Ku anu mpotae: Nahi Komiu mo'ineeo masolaa umpeda ka humawe kami.”

Amosi 9:4

Maupo dompelempa gagi mia tinawa i arono iwalido, Aku parentao ponai mepate ira i ra'ai. Aku mensiroi ira ka domemasola ka komba moikoa.”

Winali 4:31

Hangano Ondae i Ue, Ue Alamiu, Ondaemo Ue Ala puu Pompehohawa. Nahi Ira binta komiuke rumopu komiu; Nahi Ira kumolupeo pedandia anu pinau-Do saru sumpa ndi ondae uempu'umiu.

Winali 6:15

hangano Ondae i Ue, Ue Alamiu, Ondaemo Ue Ala anu mosiri i tonga-tongamiu. Kasi mansa tekuda-Do i Ue, Ue Alamiu haweako ndi omiu, ranta ka Doropu komiu inso i wawontolino.