Amosi 9:14 - Wunta Mempori

¹⁴ Aku momuleo teweweudo bawaa-Ku Isaraeli: ira mewanguo luwuno kota anu terawo-rawo ka mpo'iangario; ira mpompahoio luwuno lere anggoro ka mpo'inu anggorono; ira meweweuo luwuno lere wua ngkeu ka mengkaano wuano.

Amosi 9:14 ပူးပေါင်းရင်းမြစ်များ

Po'unde-unde 107:37

mporawoakono wuku mpinopaho a luwuno lere ka weweu ira lere anggoro, anu hadio ntu'u hasilino.

Po'unde-unde 53:6

I ra'aimo ondae manasa ta umalu ira doitoa, kahinaano nahina anu mompokotededengke; hangano Ondae Ue Ala merawoakono luwuno wukudo anu mengkaduko; omue komokoko'ii ira, hangano nami Dotarima ira Ue Ala.

Yesaya 60:4

Pengkitamo raane ka kitaomo limbu-limbu, luwudo me'aiwa ntepumpu ndi omue; luwuno ana ntamamu me'aiwa ira inso a olaiano, ka luwuno anamu beine mebinaba.

Yesaya 61:4

Ondae ira wali mewanguo anu tekale-kale tehineomo ntu'u, ka montadeo luwuno po'ianga anu mompu'u i ndi'ipua gagi boni-boni. Ira mempokowo'ohuo luwuno kota anu tekale-kale, luwuno po'ianga anu mapa'api-apiomo inule gagi boni-boni.

Yesaya 65:21

Ondae ira mpowangu raha ka mpo'iangario mbo'u; ondae ira mpopahoio lere anggoro ka mengkaano mbo'u wuano;

Yeremia 12:15

Sine, mansano Kubuta ira, Aku wali mehohawa ira. Aku mokule ira singge mia a ntia pusakano ka witano.

Yeremia 16:15

tendeano, A nee-Do i Ue anu tuwu anu tumaate ira to Isaraeli mpeluarako inso i wita utara ka inso a luwuno wita ba isua Dosiarawo ira! Hangano Aku wawa ira mpepokule i wita anu Kuweeako iramo uempu'udo.

Yeremia 23:8

tendeano: Hangano Ondae i Ue anu tuwu anu montaate ka wawa ira inuledo suku Isaraeli mpeluarako inso i wita utara ka inso a luwuno wita ba isua Dosiarawo iramo! Ka do'amba mpo'ia i witado ondaedo.”

Yeremia 24:6

Aku mo'aroo mata-Ku ndi ondae a moikoado, ka Aku wawa ira mpekule i wita andio. Aku wangu ira, komba kumale-kale ira. Aku paho ira, komba buta ira.

Yeremia 29:14

Aku koa memoikoo intepohawea-Kune, kanandiomo pau-Do i Ue, ka Aku momuleo teweweumiu ka pumpu komiu inso i olodo luwuno tongku ka inso a luwuno po'ianga ba isua Kusiarawo komiu, kanandiomo pau-Do i Ue, ka Aku mokule komiu a mpo'ianga insoamiu inso isua Kutadi komiu.

Yeremia 30:18

Kanandiomo pau-Do i Ue: menteeano, Aku momuleo teweweudo kemano i Yako, ka mehohawao luwuno po'iangano, kota atuu ta wali winangu i wawono anu terawo-rawo, ka benteno atuu ta mentade a mpo'iangano amba-ambano.

Yeremia 30:3

Hangano, menteeano, tempono ta hawe, kanandiomo pau-Do i Ue, nine Aku momuleo teweweudo bawaa-Ku Isaraeli ka Yehuda, kanandiomo Dopepau i Ue. Aku mokule ira i wita anu Kuweeako iramo uempu'udo, ka ira mpe'ueo.”

Yeremia 31:23

Kanandiomo pau-Do Ueno luwuakoano, Ue Alado to Isaraeli, ”Mia ira mempauo mbo'u pau andio i wita Yehuda ka a luwuno kotano, tewala Kupomuleomo teweweudo: Po'ineeomo ka Doronsoko i Ue, hei po'iangano menteea, hei torukuno anu mempori!

Yeremia 31:28

Mengkena kana Kupedagaiako ira Aku mobuta, mobangkuo, mohoa, mompepate ka monsolangi, kanatuu koa mbo'u Aku medagaiako ira Aku mowangu ka mompaho, kanandiomo pau-Do i Ue.

Yeremia 31:5

Omue kowali mompahoario luwuno lere anggoro a luwuno torukuno Samaria; luwuno anu mpompaho ira mempahoo ka mperapio hasilino.

Yeremia 32:15

Hangano kanandiomo pau-Do Ueno luwuakoano, Ue Alado to Isaraeli: Raha, bonde ka lere anggoro ta inoli mbo'u i wita andio.’

Yeremia 32:37

Menteeano, Aku pumpu ira inso a luwuno wita, ba isua Kusiarawo ira hangano tekuda-Ku, tensilano tekuda-Ku ka mongkokongirino bamburu-Ku. Aku mokule ira a mpo'ianga andio ka weweu ira rodo dompo'ia.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Yeremia 33:7

Aku mokomoikoo teweweuno Yehuda ka Isaraeli ka wangu ira kana se'eluno.

Yehesikieli 16:53

”Sine, Aku momuleo teweweudo, moiko teweweuno Sodomo saru luwuno anano beine maupo teweweuno Samaria saru luwuno anano beine. Aku momuleo teweweumu i tonga-tongado,

Yehesikieli 28:26

Ira merodo mpo'ia i ra'ai, mpowangu raha, ka mpoweweu lere anggoro. Humbee, ira merodo mpo'ia i ra'ai i tempono Kudontaio pohuku a luwuno pehori rahano anu mpokongkodei ira. Ira mento'orio nine Ongkuemo Ue, Ue Alado.”

Yehesikieli 37:21

pauomo ndi ondae: Kanandiomo pau-Do Ue Ala: Mentee ntu'u, Aku umala ira to Isaraeli inso i olodo luwuno tongku ba isua domelako. Aku pumpu ira inso a luwuno siuno ka wawa ira i witado.

Yehesikieli 39:25

Onaemo pu'uno, kanandiomo pau-Do Ue Ala: Kanandio-andio, Aku momuleo teweweuno i Yako ka mehohawao luwuno suku Isaraeli. A nee-Ku anu mempori Ongkue gagi mahaki aroa.

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Sepanya 1:13

Arataa pompolido ta rinontu ka luwuno rahado ta gagi boni-boni. Ondae mpowangu raha sine nahi ira mpo'iangario; mpelere anggoro ira sine nahi ira mpo'inu anggorono.”

Sepanya 2:7

Wita atuu ta gagi tiado luwuno toreano suku Yehuda. Ira mpopakambi i ra'ai ka mpepombole a luwuno raha i Asikeloni tempono owowa oleo. Hangano Ondae i Ue, Ue Alado Ira mekakaako ira ka wali mokomoikoo teweweudo.