Amosi 9:10 - Wunta Mempori

¹⁰ Hangano ponai, ira memate luwuno mia tehala i olono bawaa-Ku anu mpotae: Nahi Komiu mo'ineeo masolaa umpeda ka humawe kami.”

Amosi 9:10 ပူးပေါင်းရင်းမြစ်များ

Po'unde-unde 10:11

Onae mepau i laro aroano, ”Ondae Ue Ala kumolupeo; Ondae wunio rupa-Do, ka nahi ta hori mbo'u kumitao.”

Puu Pontutulu 8:11

Hangano pohuku a wineweu mosa'o nahi ronga pinolempa, aroado anano mia buke pontoo ira mpoweweu mosa'o.

Yesaya 33:14

Mia mentehala ntededengke i Sioni mia anu mpebungkui Ira i Ue ipabawai ira doitoa. Dompotae, ”Isemake i oloto anu polio mo'ia umpeda api anu mompokomo'ai andio? Isemake i oloto anu polio mo'ia umpeda a pompotuwua api anu nahina tampulaano andio?”

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yesaya 56:12

”Aiwamo,” dompotae, ”aku mo'ala anggoro, moikoomo tompo'inu ara tehadio ntu'u; tisomo mengkena kana oleo andio, ka laluaopo moiko mbo'u!”

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 29:32

Onaemo pu'uno, kanandiomo pau-Do i Ue: Menteeano, Aku humukuo i Sepania, to Nehelami atuu, ka inuleno. Nahina maupo te'asa mia inso ndi onae ta mo'ia i tonga-tongano tongku andio ka kumitao anu moiko anu Aku weweuo a bawaa-Ku, kanandiomo pau-Do i Ue, hangano onae mompaleleomo pe'ewa ndi Ondae i Ue.”

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

Amosi 6:3

Hei omiu, anu mpotae olai oleo masolaa, sine weweuo pabawa pobobarasai tekense umpeda;

Amosi 9:8

Menteeano, mata-Do Ue Ala te'aro a poparentaa anu tehala andio: Aku mokoropuo inso i wawontolino; Sine nahi Aku rumopuo inuleno i Yako ranta ka ipingko,” kanandiomo pau-Do i Ue.

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Sakaria 1:6

Sine pau ka pompakosi-Ku anu Kuparentaako iramo luwuno tetenaa-Ku, luwuno nabi, kombake atuu i'alu iramo uempu'umiu? Komba ntepidi irake saru mpotae: kanamo tinoo-Do Ueno luwuakoano Ira weweuo ndi ontae menunu saru pelelu ka wineweuto, kanandiomo Dopoweweu ndi ontae?”

Maleaki 3:15

Kanandio-andio, mpotae kita mia mompelangka-langkai manangai. Mia anu mpoweweu gau mosa'o atuu komba butu me'ura, sine toola koa mbo'u maupo dome'ara-arahako Ira Ue Ala.”

Maleaki 4:1

Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado.